شكرا لك ياالغاليه
وان شاء الله اجرب كيكتك واكيد بتطلع حلوه مثل راعيتها :24:
هلا ام قلبه .... اذا كنتي تقصدين الجبن المبشور هو الشيدر فبقولج عن طريقة تستخدمين فيها تنفع للفطور في يوم الاجارة...

عبارة عن اومليت ...

اكسري بيضتين واخفقيهم + فلفل ملون اذا كان عندج يعني نوعي بين الاحمر و الخضر والاصفر (انا ما اقصد الفلفل الحار البارد مال السلطة تقطعينهم مكعبات صغيره)+مشروم طازج تقطعينه شرائح
(حاولي ما تكثرين الكمية )

الطريقه كسخني التاوه وضيفي الزيت بعدين الخضار ...بعد ما خلصتي القلي حطي الخضار في صحن .. وفي نفس التاوه ضيفي البيض .. يعني طريقة الاومليت ما تخلطين البيض بالملعقة بس تحريك خفيف يوم تحسين انا استوا من تحت اضيفي الخضار في نصف البيض يعني مب كله بعدين انثري الجين الشيدر بتحسين انا يذوب شوي .. بعدين اجلبي طرف البيض الي ماعليه خضار ..

بتحسين عندالاكل بطعم وايد حلو ... بالعافية

الله يعافيك ويجزاك الف خير يا الغاليه
ان شاء الله بجربها حق فطور بنتي <<<<<< هي في الروضه
وتعبت منها كل ماسويت لها شي قالت مابيه
اذا عندك شي للاطفال تكفين لا تبخلين علينا
ومشكوره
أختي أم قبله على ما أظن إنتي شريتي جبنة الموزاريلا وهذي الجبنة تنفع لأكلات كثيرة غير البيتزا يعني مثلا ممكن تخلطيها مع الصلصة البيضاء (الباشميل ) من دون ماتضيفين ملح و تكون حشوة للكنافة صدقيني راح تطلع روعة
وممكن إضافتها على وجه أي أكله راح تعطي طعم رائع ... خصوصا الأكل الإيطالي

وبالنسبة للنوتيلا فممكن تعملي رقائق الكريب ( عجينة رقيقة مثل المراصيع ) وتدهنينها بالنوتيلا وتطلع ولا أروع وراح تحبها بنتك أكيد

أتمنى أكون أفدتك .. تحياتي لك



جزاك الله خير اختي روما انا استفدت من ردك ومن رد الاخوات
و الله يعطيكم العافيه
الصراحه من يوم عرفت المنتدى وانا صايره خبيره في الطبخ
مع العلم اني عليميه
والكل يسال منين هاالخبره جايه
والخير فيكم :24:


الساعة الآن 05:46 .