اخواتي شفت حلى طريقتة انك تقطعين الصامولي حلقات وتغطينها بالحليب المركز بعدين بالقرفة وترصينه في صينية مفكوكة القاع ماهي طريقتة

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هذي طريقة السينابون الكذاب سوي بحث وإن شاء الله تلقينه
جزاك الله خير يا بياض الثلج لكن يوم سويت البحث عطاني نفس الموضوع هذا
هلا قرويه فعلا فيه اخت كتبت من زمان هالطريقه بس ما اتذكرها بالضبط بس انا اخذ الصامولي واقطعه حلقات، واحط بالخلاط نص علبه حليب نستله محلى و3 جبن كيري وملعقه صغيره قرفه واغمس فيها الحلقات (الصامولي )واصفها فوق بعض بشكل مايل (يعني نص الحلقه على الحلقه الثانيه، في صحون التقديم)وتحطين في الخلاط ربع كاس حليب سايل مع ظرف دريم ويب وتصبين بشكل خيوط على الحلقات المغمسه وبعدين تجيبين صلصة شوكولاته جاهزه(هيرشي، العلالي،.......)وتصبين على شكل خيوط وترشين شوي فستق مطحون للزينه يطلع روعه وبسرعه يخلص ما يبي وقت
راح أكتبلك أخت قروية الطريقة اللي كتبتها احدى الأخوات كما وردت:

السينبون الكذاب ( بالصامولي) ولا روع!

5 حبات صامولي
علبتين حليب مركز محلى
و.. ملعقتين قرفة
و..ملعقتين ممسوحتين شوكلاتة نسكويك
و..6 حبات جبن كيري

الحين قطعي الخبز حلقات كل حلقة بعرض 1 سم

اخلطي في الخلاط:

2/1 1 الحليب المركز مع القرفة والشوكولاتة

وحطيها في زبدية وابدي غمسي حلقات الصامولي في الخلطة

ثم صفيها في صينية متحركة القاعدة .. طيب!!

لاحظي إنك لازم تغلفي القاعدة بقصدير ..أحسن عشان ما تتسرب السوائل..طيب شلون تصفينها؟؟
الجواب:
وقفيها توقيف بجنب بعض حتى تخلصي من الدورة الأولى ثم الدورة الثانية وبتكون أصغر ثم الثالثة..ورصيها مرة

ألحين صبي باقي الحليب المركز في الخلاط مع الجبن واخلطيه ثم صبيه على الخبز المصفوووف

دخليه الفرن بس انتبهي !
حطيه في أسفل رف والنار من فوق بس وانتبهي لالالالا يتحمر بس مجرد ما تجمد الطبقة الفوقيه

طلعيه من الفرن واخلطي ملعقتين حليب مركز مع شوكولاتة ( هنتز) وصبيها على هيئة خيوط عشوائية بواسطة الملعقة من فوق وشوفي الشكل كيف يكون جنااان

ولتعذرني صاحبة الموضوع لأني لا أذكر من هي






الساعة الآن 09:27 .