السلام عليكم

خواتي انا الحين باديه اطبخ رغم اني اعرف الطبخ بس الملح مااضبطه ولا اعرفله وغلطتي ماحاولت اتعلم كل مااريد احط الملح في الطبخه اي طبخه حتى البيض زقرت الشغاله تحطلي اياه ياريت خواتي تعلموني كيف اضبط الملح في اي اكله وعلى حسب شو احسب كمية الملح

ثاني شي انا خذت فرن كهربا و ما خذت ميكروويف ولما بغيت اسخن معكرونه كنت مسوتنها وبردت انقلب طعمها مثل الشياط طعم غريب وايد كأنها محروقه هل في مجال اني اسخن الاكل في الفرن الكهربائي او لازم اشتري ميكروويف للعلم انا ماكنت اريد الميكرووييف من كثر ما سمعت عن سيئاته رغم انه في بيت الوالد نستخدمه بس حبيت ابدأ بطريقه صحيه

للعلم انا لما سخنت المعكرونه سخنتها على العيون من فوق يعني ما دخلتها الفرن

انصحوني بنات الله يجزيكم خير اريد اعرف شو اسوي

اختي الكريمة انا مالي مقاس بالملح ولكن انتي حطي شوي ملح وبعدين ذوقيه يعني الملح ما نعتمد على مقداره ولكن على تذوقه خذي مثلا ملعقة تحريك الشاي الصغيرة وحطي نصفها ملح ( حطي نصه وذوقي ) واذا ملحه ناقص زيدي واذا ضبط اعرفي المقدار حق الأكلة هذي مقاسها كذا .وانتي مع تعودك على الطبخ راح تضبطيه صدقيني والملح انواع فيه نوع يكون ملحه زيادة ونوع تحطي منه وما كأنك حطيتي ملح يعني انتبهي لهذي النقطة المهمة جدا .
بالنسبة للفرن الكهربائي ما عندي خلفية عنه بس نصيحتي لما تسخني اي اكلة حطيها على نار هادئة او حرارة خفيفة وهي تسخن على مهلها من غير ما يتغير طعمها ولاتحترق عليكي ولاشئ . جربي طريقتي وراح تدعي لي .


هلا عيوني


انا اول مابديت اطبخ كنت اوزنه بالملعقة

يعني مثلا الدجاجة الكامله احط لها ملعقة اكل ملح


وهالحين بالنظر

بس لازم اذوقه عشان اضبطه صح

يعني مثلا البيض
ارش عليه الملح رش بحيث يتوزع عليه كله بنسبة بسيطة>>>اتمنى تكونين فهمتي علي





اما الفرن

انا اي شي اسخنه بالفرن من دااخل
يعني مو على العيون >>>يطلع كأنه جديد

بالتوفيق ياقلبي
أنا أذكر أمي الله يحفظها لنا إذا جت تسخت المكرونه أو الرز تحط معاه شوية ماء أو مرقه
وتخليه على نار هاديه
اهلين عيوني

حبيت افيدك في الطريقة السليمة للتسخين

استخدمي حمام مائي يتسخن الاكل كويس من غير مايتغير نهائيا


الساعة الآن 10:01 .