نصيحه لك أخيتي إذافتحتي المشغل ابعدي عن الحرام مثل النمص والوصل عشان ربي يبارك لك في رزقك
اقتباس مشاركة  (قلبها طيب)
مرحبا يا بنات حواء

كيف حالكم انا بصراحه قلت بطرح موضوعي عند بنات حواء لاني اعرفهم راعيات فزعه ومايخيبون من استشارهم موضوعي باختصار اني افكر افتح لي مشغل بس عندي بعض الاستفسارات ياليت تجاوبوني عليها

1- هل لازم يكون معي شهاده خياطه او تجميل ؟او مايدققون ؟واذا لازم كيف احصل عليها باقل وقت
الله يوفقك ؟مايحتاج شهاده بس الاوراق المطلوبه عقد الايجار والوكاله وكرت العائله وماتخلص الرخصه الا بعد تقريبا اسبوعين الى 3 اسابيع

2- كيف اعرف ان العاملات الي بستقدمهم ممتازات وكيف الطريقه عشان ما اتورط

3- كم المده عشان تجي العاملات الي استقدمتهم ؟وكم عامله يكفيني وكم تكلفه كل عامله مع العلم اني ساكنه بمحافظه وليست مدينه كبيره وراح استاجر فتحتين ب 18 الف
التاشيرات ياقلبي طولت انا قدمت عليها وطلعتي بعد شهرين ونص والتقديم على مكتب
الاستقدام 3 شهور وتجي الله يعينك يعني دوري كوفيرات من بره وعدد العاملات على حسب مساحة المحل اعتقد خياطه وكوفيرا كافيه للعمل في المشغل

4- بالنسبه للاجهزه وادوات الخياطه والصالون ايش الضروري والممتاز منها وكم اسعارها بالتفصيل ؟
الخياطه اهم شي المكاين والطاولات
اما الكوفير الكراسي والمرايا والاستشوارت والصبغات ولاوزم الاستخدام مثل الرغوه والشابمو والمثبت والبنس وغيرها اكيد تعرفينها والمكياج
انا اخذتها من عبد الخالق سعيد الكراسي وهي 5 وادوات الشعر والصبغات والمكياج واحتيجاته تقريبا 19 الف وهو ارخص شي لاني جيت البطحا وكان غالي مره وكان ارخص شيء

5- وين القا الاجهزه بارخص الاسعار لان راس مالي مو كبير ؟

6- كم راح يكلفني المشروع كحد ادنى


شوفي الايجار قلتي 18 الف اذا في السنه يعني راح تدفعين حق 6 شهور وهو 9 الالف
والاغراض تقريبا 14 الف لانك مراح تحتاجين الا كرسيين ومكينه واحده
والديكور الداخلي تقريبا 8 الى 14 الف على حسب ماتيغي
غير رسوم البلديه واللوحه ورسوم وزارة التجاره يعني 5 الالف تقريبا
اما التاشيرات والتقديم عليها استخراج التاشيره 2000 ريال واستقدامه من 5 الالف الى 6500 ريال على حسب الجنسيه (ولو 2 قدمتي بطلعلك تقريبا 14 الف
غييييييييير الاغراض الي تطلع فجاه يعني خليها 5 الالف ريال والله يعينك
يعني 50 الالف فما فوق ان شاء الله افدك هذا من تجربتي وين مكان المحافظه والله يوفقك
شاكره ومقدره لكل من ترد علي وتتفاعل مع موضوعي [/center]
الله يجزاك خير ويرزقك

بجد اسعدني ردك الله يفتحها عليك دنيا واخره


الساعة الآن 06:18 .