إشلونك يا آهات...والله يا حبيبتي لا تتأوهين ولا تعورين خاطرك. أول شي حطي في بالك بإن إن شاء الله راح ينصلح حال شعرك وتوكلي على الرحمن, وثاني شي مثل ما قالو الخوات الطيبات, تركي عنك العادات اللي تهلك الشعر مثل الأصباغ والإستشوار, وإستخدمي شامبو كويس. أنا أنصحك ب شامبو VICHY أهو طبي وفيه منه لجميع أنواع الشعر. وإخذي بعد فيتامين A و فيتامين E وعصري محتواهم في راحت يدك مع كم قطره من دهن الورد وفركيه في فروة الراس بعد كل مره تغسلين فيهه شعرك. هذي الفيتامينات راح تغذي شعرك وتعيد الحيويه له إن شاء الله. ولا تنسين تهتمين بالتغذيةالصحيحه. و إذا حبيتي تآخذين حبوب خميرة البيره,فهي جدا مفيده للشعر.
وإن شاء الله تستفيدين.

أختك..خوخه7 :26:

اسفه اختي اهات علي التاخير بس عندي مشكله في الجهاز وطولت المهم الما يونيز العادي
انا استعمل ما يونيز قودي وصدقيني سويها مرتين الي ثلاث والله بتدعين لي ان شاء الله الكل يقولي وش ها النعومه والي شا فني من قبل يقول وش مسويه وينشبون لي لحد ما علمهم
تحيااااااااااااااااااااااااتي اهاااااااااااااااااااااااااااااات ويارب ما تجيك الاهااااات لانه يعورني قلبي من اسمك

هلا فيك حبيتي ميلاف القلوب ....

ابد خذي راحتك يالغاليه ...ومشكوره عيوني ...
ولا تهتمين من اسمي ولا شي مجرد اسم ...

ومشكوره يالغاليه ...

اخت خوخه7 ... قلتي عن فيتامين A و فيتامين E وعصري محتواهم في راحت يدك مع كم قطره من دهن الورد
شنو الفيتامينات هذي وشلون اطلبهم من الصيدلية ياريت تذكرين اشكالهم واساميهم بالضبط علشان اشتريهم وبالنسبة لدهن الورد شنو النوع اللي استعملتيه واذا عندك للكل صور يكون احسن

وشكرا لك :42:

هلا بالخوات وخاصه الأخت فلانه.. وتسلم لي هالإبتسامه الحلوه
:42:
بالنسبه للفيتامينات هي أصلاً مو للشعر, إهي كبسولات تنوخذ مع الوجبات, بس لأن آنه أصلاً آخذ REVITAL (VITAMINS AND MINERALS)عن طريق الفم,وهي تمد الجسم بالفيتامينات اللي يحتاجها, آخذ معاهم بعد فيتامين( E (400 I.U + فيتامين (A (10000 I.U , و فيه ماركات كثيره, إستخدمت منها NATURAL BOUNTY وماركة JASMINS , وهي كبسولات SOFTGELS. يعني ملمسها ناعم مثل الجل, تفتحيها بالمقص وتفرغيها في راحت يدك, وإستخدمت معاهم زيت الورد لأن الزيت الحمد لله ناسب شعري و ريحته طبيعيه مو ضايفين له عطورات, وهو يغطي شوي ريحة فيتامين A لأن ريحته زفره شوي:01: . زيت الورد يتحصل في محلات العطاره, وهو زيت قديييييم,اللي مرسوم عليه وجه إمرأه شعرها أسود طويل و مدرج, من منتجات أصغر علي. وإن شاء الله كفيت و وفيت..

مع الشكر الجزيل.

أختك خوخه7 :26: