:ها وينكم ياخبيرات ؟؟؟؟




ممكن طريقه المندازي ؟؟؟تعرفووونه طبعا



الله يخليكم أبغي مقاديرددقيقه ؟؟؟واللي تذكر كووووب تحدد اي نوع من الأكواب في المقادير؟؟

طرار ويشرط

لا بس لان المعجنات ..صعبه عندي ..ما اقدر اضبطها..

ومشكوووورين
_.اللهم اغفر لوالدي وأسكنهما الفردوس الأعلى._
عزيزتي شواخه

انا طبعا كل مقاديري اسويها بكوب الشاي طبعا تعرفينه والحمد لله كل المعجنات تضبط معاي بهالمقادير

بس صراحه ما جربت اسوي المندازي بس اكيد بيضبط

المقادير
3 كاسات دقيق
3 ملاعق شاي خميره فوريه
كوب حليب جوز الهند
3ملاعق اكل سكر
2كوب تقريبا للعجن حسب الحاجه
قليل من ماء الورد
ملعقه صغيره هيل ناعم

الطريقه
تخلط المقادير مع بعض حت تتكون عجينه متماسكه قابله للفرد
ثم نفرد العجينه بالنشابه وتتطع بالقطاعات ثم نترك العجين حتى يختمر اي يتضاعف حجمه

نسخن الزيت ثم نبدأ بالتحمير


جربيها وقولي رايك ولا تنسين تردي عليه
هلا اختي

تفضلي هذا المندازي لاحدى الاخوات في المنتدى الله يذكرها بالخير
ومضبووطه ودايما اسويها وتعجب الجميع


المندازى ... من يبى طريقته ؟؟؟؟؟؟ مضبوطة .. فارغه من الداخل
بسم الله الرحمن الرحيم .
===============
4 كوب طحين ابيض
2 م ك خميرة
3/4 ( ثلاث ارابع ) كوب سكر
رشة هيل .
رشة سمسم أو الحبة السوداء
بيضتين .
1/2 نصف كوب زيت عافية .
حليب دافى للعجن كوب تقريبا.

بعد عجن كل المقادير المذكورة جيدا ولمدة خمس دقائق حتى تتكون عندك عجينة مطاطية...
مسحيها بالزيت وحطيها بكيس بلاستك حتتى تتخمر .
بعد ساعة او ثلاث ارباع الساعة ..
افردى العجين الى دائرة كبيرة ..
ثم قسميها الى اربع اجزاء بمعنى انها راح تعطيك حوالى 8 قطع صغيرة او متسوطه حسب دائرتك ..
راح تعطيك 8 مثلثات ..

سخنى الزيت وحطى الملث حتى يحمر وراح تلاقينه ينقلب نفسه الى الجهه الثانية .. فيشقر لونه .

للتزين اما بالعسل ، او تاكلينه مع الجبن او العسل والقشطة ... او وجبه مسائية مع الشوربة .

ولكم صحتين وعافيه
المزروعيه ، عطووور مشكووووروات وما قصرتن ...

الله يبارك فيكم بجرب أن شاء الله الطريقين وبخبركم ..


الله يسعدكم ويحفظكم


الساعة الآن 09:27 .