كيفكم يابنات بعد ماكتبت موضوعي عن الزهره وشفت ردودكم الحلوه حمستوني واليوم لقيت احسن شي اكتبه لكم هو الشي اللي الاحظ الكل يسأل عنه وهي مره حشوة المحشي ومره حشوه ورق العنب ومره حشوه الملفوف وتراهم كلهم حشوه وحده لان حشوات المحشي وحده وتفرق بس في انو ناس يحبوها بدون لحمه مفرومه ونا يحبوها بلحمه واللي بالحمه يسمى محشي بالحمه واللي بدون لحمه يسموها محي بالزيت لاكن الحشوه وحده هذا واحد


قبل لا أعطيكم الحشوه السوبر ياقماري ابغا اقولكم شوية اسرار يمكن مو الك يعرفا اذا سويتيها بالمحاشي بتكون الكنهه سبشل والله العظيم وبدون مبالغه ان المحشي يطلبوه صديقاتي مني بالطلب مو يعني اني اسوي طلبيات لا بس دائما يكلفوني اسويلهم هالمحشي ماعلينا ادري بتقولون ماصار محشي قولي ولا بنطلع شوفو زي ماقلنا الحشوه وحده بكل المحاشي لاكن اذا طبختي المحاشي حطي بالأعتبار تسوين الاتي

1- حطي دائما بالقدر راس ثوم كامل ولا تقشريه ولا شي خذي الراس وغسليه بالمويه وحطيه مثل ماهو راس كامل بكبره مع الخضار مع الملفوف مع ورق العنب
2- هذي الاشياء لازم تحطيها مع المحشي اثناء الطبخ (ماجي - زيت زيتون - دبس رمان - بالأضافه الى الثوم اللي قلت -ملح - ليمون ) فقط لاتزيدي اي شي اخر لاكمون لا بهار ولاشي الا اذا كان محشي خضار احط معجون طماطم شوي وطماطم مقطع شوي
3-اكيد لما تطبخون محشي الملفوف وورق العنب دائما نحط اسفل القدر بصل وطماطم وبطاطا هذي معروفه لاكن الاحسن واللي بيخلي طعم محشي الملفوف وورق العنب يمي يمي هو انك تضيفي قطه لحم هبر كبارشوي يعني بحجم الكف او عظم تحت يعني تصفيه مع البصل ولبطاطا انا لما اجيب الذبيحه دائما اخلي يد وفخذ لحمه مفرومه واقول لزوجي جيب العظم لايرمونه وخليهم يكسرونه ويصير قطع بحجم كف اليد ماتتخيلون العظم كيف يعطي نكهه للمحشي رائعه يعني بالقدر 4قطع عظم او4قطع لحم تكفي
4-دائما خلي محشي الملفوف وورق العنب يطبخ على نار هادئه لمده لاتقل عن 3 ساعات لين تشوفي الما نشف تماما وبقى بس الزيت هنا طفي علي اما اذا طفيتي عليه والقدر فيه مويه مايعطيك الطعم المطلوب اهم شي وطي النار مرره واتركيه على اقل من مهلو احيانا لما اخليه 3 ساعات واشوف باقي مويه اخليه لين تنشف مويته واللي عندهم فرن كهرب احسن واحسن اما محشي الخضار لا يكفيه ساعه ونصف متى مااستوت الخضار وكمان يكون على نار وسط 5-ممكن تطبخين محشي الخضار والملفوف بنفس القدرتصفين الملفوف وبعدين الخضار وممكن تطبخين محشي ورق العنب مع الكوسه والبطاطا والفلفل ويكون ورق العنب بالوسط ومضغوط بأي شي ثقيل والخضار على جوانب القدر وممكن كمان تحطي محشي الملفوف والخضار بقدر واحد وبنفس طريقة ورق العنب

الحين مقادير الحشوه :
2كأس ارز مصري صنوايت

كاس الا ربع بقدونس

نصف كاس كزبره

كاس طماطم مقطع صغار مرره

2 ماعقه ثوم مقطع مفروم+نعناع مفروم اخضر تقريبا 3 ملاعق اكل

كاس بصل مفروم صغير

بياله شاي الا ربع زيت زيتون

نصف بيالة شاي ادبس رمان اذا تحبي طعم الدبس اكثر تكثر شوي

البهار ( نصف ملعقه صغيره كمون ونصف ملعقه صغيره بهار مشكل ورشة فلفل اسود وملح وملعقه صغيره ماجي ابيض وذرة قرفه مطحونه لاتكثرين يعني شفتي الملعقه الصغيره الذهبيه حقت السكر بطرفها +ليمونتين وانتبهي خلي الملح اخر شي لان الماجي الابيض يملح الاكل عشان ماتطلع طبختك مالحه واخلطي واحشي
ملاظات اثناء عمل المحشي:
_ تجنبي اضافة الشبت انا من رأيي انو يخرب طعم المحشي
_ لما تبقى عندك من حشوة المحشي مثلا مقدار كاسه على طول حطيها بقدر وضيفي عليا مويه وشوي ملح واطبخيها مثل الرز العادي ويكون طبق جانبي مع المحشي ويحبوه العيال وقبلهم ابو العيال
_ دائما لما تسوي محشي خضار خذي لب الكوسه والبطاطا واحمسي بصل وثوم وبعدين ضيفي شوي طماطم مفروم وحطي لب الكوسه والبطاطا واضيفي ماء بحسب الكميه اللي عندك بس مايكون كثير وحطي مكعب ماجي وملح وشوي بهار واتركيه على نار هاديه وغطي القدر نصف ساعه بحيث انو يكون بعد السواء مثل شكل الفول مهروس انا احبه مهروس وتكون المويه نشفت بعدين حطيه بصحن وزينيه بملعقة زيت زيتون وسماق ويؤكل بالخبز او مع الرز الابيض
طبعا ماحطيت مقادير يس الشاطره بالمطبخ بتعرف وش اقصد انا اعطيكم الافكار اللي ممكن تسويها مع المحشي
بس تراها سهله وما يبغالها مقادير وان شالله بشوف ردودكم معاي واذا عجبكم لو سويت المحاشي بنزلكم الصور
مشكورة ياحياتي على المعلومات الحلوووة

اقتباس مشاركة
هذي الاشياء لازم تحطيها مع المحشي اثناء الطبخ (ماجي - زيت زيتون - دبس رمان - بالأضافه الى الثوم اللي قلت -ملح - ليمون ) فقط لاتزيدي اي شي اخر لاكمون لا بهار ولاشي الا اذا كان محشي خضار احط معجون طماطم شوي وطماطم مقطع شوي
ولو تخلين النعناع سواء المجفف او الطازج من اساسيات الحشوة بتكوون واااااااو لانه يعتبر سر من اسرار المحشي ^ ^

اشكرك مرة ثانية على مجهودك ونتمنى تورينا صور للمحاشي
ماشاء الله تبارك الله

جزاك الله خيرر
سبحان الله وبحمده


استغفر الله العظيم

مشكوره لكل اللي ردو واللي ماردو بس اتمنى رفع موضوعي للاستفاده العامه


الساعة الآن 06:05 .