اه تعبت من زوجي خلاص طفح الكيل

السلام عليكم

انا متزوجه صار لي فترة طويله وعندي اولاد ولله الحمد

المشكله ان زوجي دائما مشغول وانا تعودت على كذا

يعني ابدا مايجلس معنا المهم الحين كل مابغيت اطلع

يطلع روحي واكره الطلعه (طبعا كل طلعاتي زيارات وتأدية واجب)

مثال:قبل فترة عند اهلي عزاء ويالله وداني بعد هوشه

انا الحين حامل ومحتاجه اراجع بالمستشفى ويماطل

الاربعاء والخميس كل اسبوع هو مرتبط فقبل يروح

يوديني لهلي ولااجلس بالبيت واذا فيه اي مشاوير

يقول لي روحي مع اهلك.

اليوم الخميس ودي ازور قريبتي والده وهي محدده

الخميس فقط للزيارة وش اسوي ..

يقول لي بوديك لاهلك ودبري حالك طيب الى متى هالحال

طقت روحي والله والمشكله اهلي يعانون ماعندهم احد

يطلعهم وممنوع نركب ليموزين ..

ولاتجي وحده وتقول يمكن طلعاتك كثيره والله العظيم

اني اجلس مااشوف احد بالاسبوع والاسبوعين

وطلعه في ايام الاسبوع لايمكن عشان اولادي

يدرسون ..يارب طيب وش اسوي احس زوجي وده

يخنقني وده يطفشني وانا خلاص مااقدر اصبر اكثر

من كذا وفكرة السواق اذا جبت سيرته يهاوشني

طيب انا ودي اعيش مثل الناس ودي اشوفهم

ولااحب قطع الارحام .

يجيني شعور بأن زوجي مايحبني واني اكرهه

وهذا شعوري الحين :icon33:

دلوني تكفون وش اسوي؟؟؟؟؟؟؟