اسفه حبيباتي على التاخير وبالفعل جمعت لكم معلومات اكثر من خالتي

واللي سالوني وين بالرياض اكيد

هذي تفاصيل اكثر عن فيلا النسيم


أولا مساحتها=875م

مكانها قريبه من شارع المعارض.

عمر الفيلا عمرها مابين عشر سنوات او 15 سنه بس خالتي ساكنتها من اربع سنوات ومجددتها على حسابها

وضاربة بويه جديده يعني البيت جديد من الداخل ....

يوجد بفناء الفيلا ملحق غرفة بحمام (للسواق) و هذا مأجرته خالتي لان ماعندها سواق

يوجد ملحق آخر غرفة بحمام مسويته خالتي (مشب) وغرفة مطله على الحوش للشغاله بالحمام

بالنسبة لداخل الفيلا أول ماتدخلين يجيك المدخل والمجلس كله سراميك ثم المقلط بعد كذا بالدور اللي تحت عدد

الغرف اربع غرف كل غرفتين بينهم حمام مشترك ومطبخ كبير

الدور الثاني شقتين ولايختلف من ناحية الغرف عن الدور الاول


واللي تبي تشوف الفيلا انا مستعده

السعر ستمئة الف وهذا مو حقها لان العقار مرتفع بس خالتي محتاجة تبيع احد الفيلتين اللي انا ذكرتهم اول وحده

راح تنباع راح تحتفض بالثانية وتسكن فيها
لو في جدة كان فكرت فيها الله يبارك لكم
اللهم إني أعوذ بك من زوال نعمتك وتحول عافيتك وفجاءة نقمتك وجميع سخطك

اللهم أدم علينا نعمتك واحفظها من الزوال
هلا حبيبتي نوري الله يوفقك وتلاقين الافضل بجده
والله اني مستحيه منكم يابنات بالنسبة لفيلا حي النهضه هي مش بالنهضة في حي اليرموك

هذي الفيلا الثانية>>>>>>>لا وتبعين بعد

بس انا طلبت من المشرفه الله يجزاهاخير تعدل موضوعي


عموما هذي معلومات فيلا حي اليرموك

وهي بالفعل فيلا فخمه وجديده ومحد سكنها قبل وتفصالها جديد ومريح ومناسب لعائلة ممكن تأجر شقتين والشقة

الثالثه تحتفظ بها كدور ثاني للفيلا مع الشرح تحت راح تفهموني

مساحتها-500م

الفيلا جديده حجر بالمره حلووه

بالنسبة للحوش يوجد فيه ملحق غرفة بالحمام (مشب)

جناح مستقل خاص لرجال مجلس ومقلط ومغاسل وحمام

داخل الفيلا غرفتين بالحمام ومطبخ ودرج الفيلا من وسط الصاله يؤدي الى شقه بالاعلى يسمونها (شقه مسروقه)

يعني تبع الدور اللي تحت عدد الغرف في الشقة ثلاث غرفة بالحمام وغرفة بحمام مع بعض

يوجد بجانبها شقة اخرى وبالدور الثالث شقة ثالثة عدد الغرف اربع غرف وحمامين ومطبخ بكل شقه وهذي الشقتين

لهم درج مستقل يؤدي الى خارج الفيلا يعني لو تبين تأجرين فيلتك

يوجد بالدور العلوي كذلك جناح خاص للخادمة حمام بغرفة مع صالة صغيره

السعر تسعمئة الف ومعاها البنك بثلاث مئة الف
الاخوات اللي راسلوني على الخاص يشيكون على الخاص واللي قالت تبيها اذا ماعليها امر ترسل رقمها وانا اعطيه خالتي تتفاهم معاها


الساعة الآن 04:12 .