Analysis Services
بسم الله الرحمن الرحيم

السلام عليكم و رحمة الله و بركاته ...

هلا و الله و غلا ...و مرحبتين و مسهلا ..
هلا بالحريم السنعات ...الطباخات الماهرات ..اللي ينحطن ع الجرح و يبرى


أنا فكرت و فكرت بهالرز اللي ما طاع يضبط معي ..لي أربع سنين متزوجة ولا بعد جبته ع الأصول ..!!!

قلت مالي إلاّ أسدح ملف بعالم حواء عن طرق الرز ..خصوصا أنه أنواع ..مزة ـ بشاوري ـ عنبر ...الخ ،وكل نوع منه ماركات ، عندك : أبو كاس ـ الشعلان ـ بنجابي المهيدب ـ الوسام ـ الوليمة ....الخ ، حبيت نعرف طريقة عمل كل ماركة ...
طيب سؤال الحين..وعلامتين استفهام

س : شو مواصفات الرز السنع ؟؟

الجواب في نظري: إنه يكون نثري ـ أبيض ـ مستوي عدل مدل ـ حباته طويله و ملساء بالعربي زي أطباق أرز المطابخ ...


طيب ما عليكم الحين إلا تكتب كل وحدة فيكم :

1.نوعية الرز.
2. كيفية الغسل .
3. مدة النقع .
4. كمية الماء.
5. مدة وقت الإستواء.


و أنا راح ابدأ

بسم الله ..
رزي هو : أرز الشعلان ( بنجابي بسمتي ) ماركة العلمين و هذي صورته :


2. كيفية الغسل : اغسله تقريبا ثلاث مرات ورا بعض إلى أنن أحس أن الرز صارت مويته صافية ، و أحول أفركه حتى يروح النشا منه ..
3. مدة النقع : من ربع إلى ثلث ساعة ..
4.كمية الماء : اغمر الرز بالماء و ازود اصبعبن بس موية..
5 . مدة و قت الاستواء: نصف ساعة إلى ساعة إلا ربع على نار هادئة ..
]
27-03-1429 هـ, 08:27 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يلا يا قماري انتظر كتاباتكم ...
الرز تاج السفرة ولازم يطلع مزبوط و لذيذ..
27-03-1429 هـ, 08:28 مساءً
 
27-03-1429 هـ, 08:29 مساءً
 
بالنسبه لي الرز اللي استخدمه ابوكاس وناويه اذا خلص اجيب باب الهند اشوف كثير بنات في المنتدى يمدحونه
بالنسبه لمدة النقع يادوب 15دقيقه بمويه شبه دافيه واصفيه من المويا وقت الطبخ <<والله مدري طريقتي صح ولاغلط
مشكلتي ان الرز ماحسه ينضج كامل يعني اللي تحت ينضج واللي فوق عالوجه مايستوي
وبالنسبه للمده نص ساعه على نار هاديه وانا البهارات اللي احطها تكون صحيحه الليمون الاسود والهيل والقرنفل والقرفه والفلفل الرومي والفلفل الحار
وياريت الكل يشارك عشان نستفيد من بعض
وشكرا لك يانوره على الموضوع
27-03-1429 هـ, 09:38 مساءً
 
شكرا لك

الرز (باب الهند)

أغسله بماء دافىء وملح خشن

النقع لمدة ربع ساعه اذا طول

الماء مسح (غير مغمور بالماء)حتى ما ينعجن عند طبخه

مدة طبخه 1ساعه لانه مايتحمل طبخ كثير (ويكون ماء المرق ارفع منه بشوي قدر( سم)

ممتاز جدا
27-03-1429 هـ, 09:47 مساءً
 


الساعة الآن 02:25 .