السلام عليكم بنات،،،
الصراحة الصراحة لو هاي المرة محد عطاني ويهه والله لازعل منكم:،،، لاني كل ما اطلب منكم المساعدة ما حصل هذاك العون منكم ،،، دخيلكم بنات اللي يقدر يساعدني يتلاحقني،،، الصراحة انا مول ما لي دراية في فن الطبخ وتوني معرسة وخاطري وايد اتعلم واستوي ماهرة في الطبخ عشان ريلي يستانس عليه،،،ومنيه رمضان على الابواب يعني لازم اتعلم لي كم طبخة على اصول،،، وزيادة على جيه انا حابه ها الشي وودي اتعلمه من زمان،،، والبنات مب مقصرين في وضع وصفاتهم واطباقهم الحلوة حتى تعلم الطبخ اتفضلوا المشرفات بتعليمه الله يبارك فيهن،،، بس المشكلة اني كل ما اسوي شي ما يضبط عندي عدل "مع اني

إعلان

ما حاولت وايد بس تجارب جدا بسيطة"،،، المهم بالنسبة لي احس اني بستفيد اكثر وباستمتع بتعلم الطبخ اكثر اذا كنت اتعلم ميدانيا وبالاخص مع وحدة خبيرة تعلمني واشوف جدامي الخطوات اللي تسويها،،،، وتخليني عجب اجرب روحي وتشوف خطواتي اذا صح والا لا وتصحح لي لين ما اطلع في النهاية شيف محترمة،،،،

طلبي هو انكم دخيلكم تساعدوني اني احصل وحدة تقدر تعلمني فن الطبخ في دبي،،،او حتى لو معهد مع اني ما سمعت من قبل فيه معاهد للطبخ بس على الاقل اي وحدة شاطرة وتعرف تسوي كل الاكلات بمهارة واهم شي يكون اكلها يجنن وبكون جدا سعيدة لو بالفعل يستوي ها الشي،،، حتى ما عندي خلاف لو آخذ عندها كورس بفلوس،،،وياريت ياريت لو هي تقدر تي عندي البيت بيكون وايد زين (طرار ويتشرط ) الله يخليلكم بنات شوفوا لي اي حد في دبي اذا عندكم فكرة والله بدعيلكم،،،

ردوي عليه بليزززززززززززززززززز

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله العيب من الاهل الي مايعلمون بناتهم الطبخ

وامور المنزل........

العتب على اهلك وياكثر الي مثلهم.


ياحبيبتي مايحتاج لا مدرسه ولا غيره

شوفي قسم الطبخ بعالم حواء

يجنن من طبخ شعبي لاحلويات لا عصيرات لا حلى قهوه وحلى شاي

روووووووووووعه بصراحه

ويفيد الكثر.

والبنات عرفوا يطبخون منه .

وحتى الترتيب عندك قسم الترتيب والتنظيم


يفيدك بالغسيل والترتيب وووووووووووووووووو الخ.

وقسم الديكور يفيدك ترتبين البيت وتاثثينه:24:


واتمنى لك التوفيق من كل قلبي.:24:
ادعوك ربي يا مجيب والقلب مهموم كئيب هبني رضاك فإنما برضاك تنفرج الكروب
عزيزتي لينا
انا كنت مثلك ما اعرف اطبخ كلش

حتى كوب الشاي ما اعرف اسويه

وبعد ما تزوجت توهقت لاني قعدت في شقه بروحي طبعا انا الوالده متوفيه رغم انها الله يرحمها ماهره واااايد في الطبخ والكل يموت على طباخها لكن الدلع ما لنا ما خلاني اتعلم وانا اللحين اتحسف

لكن الحمد لله حبي لزوجي خلاني الصراحه اتعلم واسال والمنتدى ما قصر

والله تعلمت مره مرتين لين صرت اضبط الاكل صح في البدايه زوجي انتقدني لكن كان انتقاده اكثر يحمسني

وغير كذيه زوجته الاولى انجليزيه وهذا اكثر خلاني اهتم في معده زوجي وارحمه من البرجر

والله العظيم صرت ماهره وبالاخص من طبخات اخواتي في المنتدى

ما في عيش جربته ما ضبط المندي والمبخر والمطبق والمكابيس
واشياء وايد

والله يعافيهم ويخليهم

ونكون دايم ايد وحده ونستفيد من خبرات بعض
حبيبتي ........

لاتشيلي هم أبدا أنا متأكده إنك راح تصبحين فنانه وماهره في الطبخ ........والفضل يرجع لله سبحانه وتعالى ثم لهذا المنتدى العريق..........المنتدى مليان بكل الأكلات والمشروبات والمقبلات والسندويشات والمعجنات والحلويات وكل مالذ وطاب .....إنتي ماعليك إلا تدخلي القسم تشوفي وإللي تناسبك جربيها حتى لو فشلت مش مشكله ياكثر إللي نرميه في الزباله الله يديم النعمه.......
يعني مو شرط تيجي وحده على راسك وتعلمك ترى هذي النظريه مررررره خاطئه وماتنفع حاولي إنك تعتمدين على نفسك وإذا صعب عليك شيء الغاليات مايقصرون .........

موفقه يالغاليه.......


ملاحظه......

ذكرتيني باأيام الطفوله لمن شفت توقيعك.............
السلام عليكم

عندج جمعية المرأة الظبيانية او الاتحاد النسائي او نادي الفتيات يقدمون دورات في الطبخ
غير التلفزيون

والمنتدى اكبر مكان لتعلم الاكلات وخصوصا اذا كان عندج رغبة وحب للطبخ
الواحد ما يولد في بطن امة عالم
المنتدى راااااائع جدا للتعليم وتستفيدين منة كثيرا وفي كل شي


انا في الاكلات الشعبية ميح
في الخفايف يمشي حالى
ووصفات المنتدى غالبيتها تجننننننننننن
والله يعين على الريل والشغل معا

ونسيت اقولج عندكم مكان اسمة الاصلاح الاجتماعي دايما يطلع كتب لاكلات حلوة
وممكن تحطين في الجريدة مطلوب مدرسة طبخ شاطرة في الاكل الخليجي او السوري او حسب رغبتك

واي شي انا حاضرة .........بس عندي عرس
اول ما اخلص ارجع ان شاء الله بكامل نشاطي
حضري اللى تبينة واي سؤال ...وانا بالخدمة
سبحان الله وبحمدة ..عدد خلقة ورضا نفسه وزنة عرشه ومداد كلماته


الساعة الآن 07:51 .