السلام عليكم اخواتي العزيزات،،، الصراحة صدق ونستوني بردودكم،،، هيه جيه الناس يرفعون المعنويات ويعطونج امل،،،

اختي الغالية وجه الخير،،، تبين الصدق وايد شجعتيني على التعلم الفردي،،، الصراحة انا مسوية ملزمة شو كبرها لطبخات المنتدى وقليل ما حاولت اني اجرب منها لاني وايد اشك انه بيضبط عندي،،، وريلي الله يسامحة لو يمدح احيانا في الاشياء التافه اللي اسويها مثل الشاي لاني اضبطه حجة وما يعبه مال البشكارة بس خاتم عليه اني ما اعرف اسوي شي من قتله اني ما اعرف اطبخ ويوم اسويله اكله يديده حتى لو اني كنت اسويها قبل ما اتزوج يستكشف فيها ويطالعها عدل لو حتى شو كان حلو شكلها وانا وايد ادقق في المظهر الخارجي بحيث انها تكون جذابة بس بعد ما تعيبه ويتحراني مألفة من عندي ويكسر شراعي وميدافي يوم يسألني شو حاطة فيها،، وتخيلي ايلس اقوله المقادير جني مب واثقة من عمري،،، يحسسني اني اموليه مرة غبية ومول ما اعرف اسوي شي،،، ويقولي اتعلمي عملي عشان تفهمين اكثر وتشوفين عدل شو يسوون تقولين داشة مختبر مب مطبخ،،، لكن احس انه منى لاني بينت له اني ما اعرف اطبخ امولية،،، والا لو قتله من قبل اني ها اعرف شويه جان اشويه وثق في قدارتي وكل الاكل حتى لو كان اي كلام،،، وانا بالفعل وايد استفدت من اقسام المنتدى ويبالي ادرب نفسي شويه على الطبخ،،

الاخت الغالية المزروعية،،، ما شاء الله عليج معناته اني ان شاء الله اقدر استوي ماهرة مثلج لاني قبل كل شي ابغي اتعلم وحابة الطبخ،،، لكني من ينتقدني زوجي الله يهديه احس بأحباط وما اتشجع،،، حتى دوم اقوله انته بس يأكلونك وما يسولك سالفه ،،، يعني بالمختصر المفيد ما تنعطى ويه،،، عقبالي يارب واستوى شيف مثلج،،،

الاخت الغالية هالة،،، اشكرج من كل قلبي على تشجيعج وكوني مب لازم اتعلم جدام حد،،، والله اني محتايه اني اسمع ها الكلام،،، لاني صدق كنت البارحة وايد محبطة،،، انا على فكرة سويت البارحة كيكة طلعت ممتازة من ناحية انها مب عجين ولا بمحترقة لكن طعمها شوي يباله تعديل،،، يعني شوي شوي كل ما اعيد الاكلة بعدل فيها الغلط اللي سويته قبل لين ما تضبط ان شاء الله،،، تسلمين الغالية على الكلام الطيب،،،

اختي الغالية مس شيف،،، ياسلام عليج،،، انا بس شفت اسمج قلت هاذي هيه،،، الصراحة وايد افدتيني بالنسبة لامكان تعلم الطبخ،،، بس البنات شجعوني اني ايرب بروحي لكن اذا احتجت لازم اكيد بألتحق بدورات الطبخ عندهم والله يوفقني ان شاء الله،،، بس عادة لا تبطين علينا نباج تردين عشان نستفيد منج يا شيفتنا الحلوة،،،

مشكورين اخواتي من كل قلبي
السلام عليكم ورحمة الله وبركاته

عزيزتي لينا مافي اسهل من الطبخ واكيد في بداية حياتك الزوجية ماتعرفين تطبخين وهذا شيئ عادي بس مع الايام اكيد راح بتتعلمين. والحين في هل الايام البنات هم اللي يتعلمون الطبخ ابروحهم عن طريق الانترنت والكتب والاصدقاء وصدقيني دخلي المطبخ وجربي احد الطبقات السهلة اللى ماتاخذ وقت او جهد وجربيها وبعدين اشوي اشوي ابداي في الطبقات الصعبة اللي تاخذ الوقت وماعليش تخترب من اول مرة او ثاني مرة بس حاولي اكيد راح بتصيرين فنانه في الطبخ وبعد الزواج مافي وحدة ماتعرف الطبخ اكيد بتتعلم لان (قلب الرجل في معدته) ولاتقولين ماعرف الطبخ جربي ابروحك واحنا ياما خربنا اكلات لما اتعلمنا.
عزيزتي لينا
اختي الطبخ مسالة تعود و***** الله تصبحين طباخة ماهرة
واي شيء تحبينه اسئلي عنه الاخوات وانا مستعدة ان اساعدك في كل شيء انطلاقا من الالف نهاية الى الياء ، لي المام بالطبخ واقوم حاليا ببحث شامل في اصول الطبخ واسراره .
لو عندك اي مشكل اكتبي لي على الخاص تريني في الحين اساعدك في اي شيء ( العربي ، الغربي ) .
اختك فاتحة
هلا اختى لينا
تعالى حبيبتى عندى وانا اعطيج كورسات مكثفه بالطبخ..
بس ها ترى التذكرة عليج والمبيت علي,.
ايه حساب امريكان
انا انتظرج..
:24:


الساعة الآن 09:04 .