أستفسااار مهم عن الأبر

حبيتي الابر تحت الجلد مفعولها أفضل وأفيد للسن فوق الثلاثين وتحملي ربي يرزقك بس حبيت أسألك هل هذه أول مره تسوين فيها العمليه وعند من وبكم وهل هي أطفال أنابيب ولا حقن مجهري ؟؟؟؟؟؟؟؟ معلش أختي الأسئله كثيره بس أريد الاستفسار لأني بسويها هذا الشهر ومتى بدأتي العلاج

جبتيها على الجرح
امس اخر ابره تحت الجلد وياااااااااربي سالفتها سالفه
كل يوم الابرة بجهه وخلال اسبوع ماعاد اقدر احرك يدي. حتى لما اشرب ماي يطلع من ايديني خخخخخخخخخخ
. وكل زيارة اتمنى تقولي الدكتورة وقفي الابر لكنها تقول كملي ..الى ان رحت موعدي اليوم وقالتلي بس خلااااااااص البويضات نضجت بس ماسالتها مسلوقه ولا اومليت؟؟ هههههههههههههه اتغشمر

المهم تحملي الالم لان النتيجه حلوه بس قوليلي انتي تلقيح ولا حقن.. ابي احد يشجعني بكره التلقيح!! ادعيلي