عبايه فوق الراس @aabayh_fok_alras
كبيرة محررات
سنفره= نعــومه+ تبييض+ نظافه=جمال
خلطه تبييض جديده ماتاخذ من وقتج دقايق تبييضها عجيب وتصلح للاماكن الغامجه في الجسم وتصلح للسيقان وتعطي لمعه للجسم وانتعاش ونظااافه
يعلم الله وقلبي شاهد اني احبكم واعزكم لله في لله تعاملكم روووعه واسلوبكم راااقي وردودكم أحلا وأحلا
و
كالعادة وعساكم دووم بسعادة يبتلكم شغله فادتني للجسم
صارلي فتره أسوي هالخلطه الحلوة اللي ماتحتاج منج خلط يوميا ولا تعب يعني تخلطينها وتحطينها بعلبه وتستخدمينها متى مابغيتي الخلطة مكوناتها حلوه وتبييض وتنعم
شوفوا الخلطة وشوفوا مكوناتها
- علبه سنفره المشمش الأصلية تلاقونها عند مركز السلطان هذي اللي اضمنها تكون أصليه ميه بالميه
- ثلاث أرباع جيس من ملح الحليب يوكو سبا الأصلي تلاقونه عند العطارين وسوق الفلبن
- ملعقتين كركم جسم
- 3ملاعق سفيد اب حجر ابيض إيراني
- 3ملاعق بودرة اطفال جونسون
- اشويه ماي ورد حسب حاجه الخلطة
-*** زيت اللوز المر اشويه للي بشرتها جااافه حيل انا شخصيا ما أحطه بس اللي بشرتها جافه تحط منه بقدر حاجتها ***
يالله
بسم الله
نبتدي
ون
تو
ثلاثه
الطريقه الرقيقه
اخذيلج طاسه صغيرونه وحطي فيها سنفره المشمش فرغيها كلها من العلبة وحطي فوقها ملح الحليب وخلطي عدل مدل وبعدين كركم الجسم وخلطي عدل مدل وبعدين السفيد اب وبودر الاطفال وخلطي وخلطي اذا شفتي المكونات يبست السنفره زيدي اشويه ماي ورد بس اشويه مو تقولون ماااقلت اشويه لانج اذا حطيتي وايد بتسيح الخلطة
وعقب حطي الخلطه في علبه جديده واستخدميها مثل أي سنفره وممكن تخلينها في الحمام وانتوا بكرامه عادي مايضرها شي إن شاء الله واذا تبين لاستخدام واحد بس زيديها هرده او ليمون او زيديها طحين نخي او روب او عيش مطحون من هالشغلات الحلوه للجسم انا شخصيه استخدمها بروحها بس انصحكم بهالاضافات لانها حلوه بس تظيفونها للمره الوحده يعني تعزلين الكميه اللي تكفي جسمج وتحطين عليها اللي تبينه من المكونات الطبيعيه
<<<>> وطريقة استخدامها<<>>>
تتسبحين وتتليفين في أي صابونه عندج او مرتاحه عليها وعقب تغسلين وتحطين هالخلطه على جسمج وزعيها على الجسم كاااامل والإبط والأماكن الحساسة وخليها على جسمج جم دقيقه وبعدين ابتدي في فرك الخلطة على جسمج بشكل دائري في كل مكتن حطيتي فيه الخلطة وعقب ما تفركينها خليها دقيقه بعد قبل لاتغسلين وبعد ماتغسلين تنشفي عااادي ونعيما
هالخلطه تبييض وتنعم واااايد وتلاقين نتيجه بالنظاافه والانتعاش و بالنعومه أول شي ومع الاستخدام تلاقين توحيد لون وتبييض انا استخدمها مره الى مرتين بالأسبوع بصراحة تهبل واترك التجربه لكم وهمن عندي خلطه جديده في قيد التجريب اعده اجربها وبوافيكم في نتايجها بعدين
نصيحه جربوا هالسنفره او هالخلطه بتعجكم ان شاء الله
مره عجبتني الزواجات والمناسبات جايه
وانطر رايكم وتجاربكم ياحياتي واللي عندها خلطه شبيهه لها او مكونات اكثر او تقترح شي اضافي تكتب عشان تزيد الفايده ونتشارك بالافكار
الخلطه منن
مزيونه وشقره ومنتديات كويتيات لان هالخلطه عجيبه وتستاهل كل بنت تجربها لجسمها ونعومتها
34
7K
يلزم عليك تسجيل الدخول أولًا لكتابة تعليق.
الله يجزاك الجنه على هالخلطه شكلها روعه بجربها ان شاءاللهالله يجزاك الجنه على هالخلطه شكلها روعه بجربها ان شاءالله
جزاك الله خير والله يسعدك ويوفقك علي المعلومات القيمة
الصفحة الأخيرة
شكلها روعه بجربها ان شاءالله