يا بنات جده ابغى طريقة المنتوا واليغمش

هلا اختي الغاليه اسبكتي ،،
ولايهمك حبيبتي غاليه والطلب رخيص:27:احنا كم اسبكتي عندنا:41: صح المطبخ مليان
بس اسبكتي حواء غيرررر:42: ههههههه << حابه امزح معاكي

شوفي حبيبتي المنتو مررررره سهل تسويه وانتي مغمضه ما يبغاله شطاره:cook:

شوفي اول شي نبدا بالعجينه :
عجينه بسيطه جدااا دقيق + ملح +ماء
والحشوه :
لحم مفروم < والافضل يكون من ذبيحة الثلاجه> الذ من الجاهز<<<<<
بصل مفروم ويكون كثير
فلفل اسود

اخلطي اللحم مع البصل والفلفل والملح

اعجني العجينه عاديه بالماء فقط
بعد ذلك افرديه بالنشابه على الطاوله وقطعيها على شكل دواير بالكوب .
وابدي بحشو كل دائره على حدا
ثم زميها من الاعلى << يعني زي البقشه >> فهمتي عليا:o

خذي قدر المنتو الجزء الاسفل وحطي فيه مويه وشوية زيت
والجزء المخرق ادهنيه بزيت اشويه
بعدين رصي فيه حبات المنتو
وحطيه على النار
فهمتي كيف << يعني المويه تحت في الجزء الاسفل والمنتو فوق >>
يعني المنتو حيستوي على بخار الماء >>>

اتمنى انك تكوني فهمتي واكون عرفت اشرح :o

وياريت تردي لي اخبر اول ما تعمليها
ولاتنسيني من الدعوات الحلووه:23::27:

هلا عيوني إسبكتي...........

الغاليه ريناد أعطتك طريقة المنتو............


وهذا الرابط طريقة اليغمش..............
http://forum.hawaaworld.com/showthread.php?threadid=26297&highlight=%C7%E1%ED%DB%E3%D4


إن شاء الله نكون قد أفدناك..................

وملاحظه ::: القدر إللي تكلمتي عنه هو للمنتو.....لاإن المنتو يستوي عن طريق البخار.......واليغمش في الفرن يوضع...

موفقه يالغاليه:26:

اختي ريناد يا حبيييلك مشكوره والله الطريقه سهله مدري ليش الكتاب الي عندي معقدها

اختي مشكوره بعد والله انكم سنافيات وراعيات فزعات:24: :26:

شكررررررررررررررررررررررررررررا

اتاريهم نفس الفكره
:26:

مشكورات على الوصف
:26: