اشكرك اختي على طرحك لهذا الموضوع الحساس جدا بالنسبه لنا نحن النساء
واجوبتي كالتالي
1\التمس لهم العذر حتى لو كانت امكانياتهم تسمح يمكن عندهم ظروف كمرض او مشكله لكن اذا تكرر الموقف فراح يحز بخاطري

2\بالطبع يقدموه ومااذكر رحت لاحد ومعي حلا الا وقدموه

3\ شعوري بتضايق لاني اكرمهم واهتم بهم وفي الاخير مايقدروني لكن في المقابل ماراح اكون مثلهم راح اكرمهم لكن اقل من كرمي المعتاد

4\اتركهم على راحتهم واذا كنت واثقه في طبخي ماهموني الا اذا كانوا من الغالين فاحاول اعرف سبب امتناعهم
سبحان الله وبحمده عدد خلقه ورضا نفسه وزنة عرشه ومداد كلماته
سبحان الله والحمد لله والله اكبر
اقتباس مشاركة  (mhs6793)
(1)المهم من الزياره صلة الرحم وعادي الامر حتى لو كان بامكانهم ان يقدمون مابوسعهم

(2) يقدمونه واحيانا يستئذنون مني ويقولون (شكله حلو اوطعمه حلو ) ويتصرفون فيه (يوضع للرجال )الحريم مايستاهلن

(3)اقتدي بهدي خير البشريه صلى الله عليه وسلم (واسير احسن منهم )

(4)اسئله واذا كان مايملك جواب اخليه على راحته (وكل نفس وما تشتهي)


بارك الله فيك وفي ام علاء
أنْ تُدخِلنِي رَبِّي(الجَنّـ?)00000 0 هَذا أَقْصَـَﮯ مَا أتَمَنّـَﮯ ..!
بصراحة انا ما اهتم لدرجة اني انسى حتى هم كانوا حاطين الشاهي ببريق او زمزمية خخخخخخخخخخ
اهم شي نفوسهم معي زينة والباقي ما راح احكم عليه وانا مدري وش ظروف الناس
لكن موقف حز في نفسي وهو اني زرت ناس من صلاة العصر وكنت بروح منهم بعد صلاة العشاء وخلوني بدون حتى مويه الين بعد صلاة العشاء ينتظرون وحدة تجي!!
حسيت ان القهوة ماهي مقدمة لي..
قعدت اتلهى ورا عيالي لحد ما خلصوا متقهوين مع ضيفتهم ..بس فعلا حسوا بغلطهم وقعدوا يسألون ليش ما تتقهوين؟
الحمد لله الحلى ما يخلى من ثلاجتي ابد..بس الدعوة تقدير..!!
(وإن يمسسك الله بضر فلا كاشف له إلا هو وإن يردك بخير فلا رآد لفضله
يصيب به من يشاء من عباده وهو الغفور الرحيم)
والله بالنسبه لى
عادى لا ازعل ولاشىء
كل انسان وظروفه

يمكن تكون الحرمه نفسيتها تعبانه مالها خلق تسوى شىء

عموما انا ازور جيرانى وقرايبى اولا من باب صلة الرحم وانى اوسع خاطرى شوى

ثانيا اذا على الاكل اكل فى بيتى مع زوجى وعيالى

يعنى عندى عادى جدا

ما تفرق معى لو انها تقدم لى كاس عصير وبس عادى والله ما ازعل

ياناس ترى الدنيا بسيطه وحلوة ما يبغالها تعقيد

انى ازعل من جارتى ولا قريبتى ولا سلفتى عشان انها ماقدمت لى حلا على القهوة

والله شىء يضحك ليه ازعل انا رايحه عندها حتى اكل ولا ازورها ونوسع صدورنا


يمكن اروح عندها وتقدم لى سفره طويله عريضه مو حبا فينى لكن عشان تورينى انها بنت عز ولا انها تغيظنى ولا اى شىء ثانى لكن من جواها هى تكرهنى ولا تطيقنى

لكن المحبه فى القلوب ماهو فى التقديم والحلا وغيرة


والله اروح عند وحده وهى حابتنى واعرف انها تحبنى لو ما اذوق عندها شىء على قلبى احلى من العسل

الزبده
ان المحبه فى القلب واوجهه البشوش والابتسامه والكلمه الحلوة والبال الواسع




يعنى فى الاخر المحبه فوق المظاهر الكذابه
اللهم إني أعوذ بك من زوال نعمتك وتحول عافيتك وفجاءة نقمتك وجميع سخطك
تسلمين ياقلبي على الموضوع
بس انا الصراحه ماعمري دققت هذي سوت وهذي سوت
وماحصل وجا في خاطري مره اني قدرت ولا تقدرت
الالما افزع لوحده واقهويها واقوم بواجبها
وهي ماردت لي حتى الزياره مو لازم تقهويني
اتشرف وافرح بالزياره بس
سوووووري شكلي طلعت عن الموضوع
وفي النهايه الناس اطباع واجناس احد يحب يتكلف ويتفنن
واحد بكل بساطه يحط الموجود
والتمس العذر لاي بيت ازوره


الف شكر للغاليه { لمسة ابداع }


الساعة الآن 09:14 .