و الله الهدف الأول و الرئيسي من الزيارة مو الأكل
في الحلى و الفطاير و يصير هو همي
و اقول ليش ماضيفوني و ليش ماحطوا لي !!
الهدف التواصل و السؤال.

و الموضوع بسيط و غادي جدا !!!


اللي مايضيفني
بتكفيني القهوة و حبتين التمر
لأن هذا أهم شي اللي ممكن ازعل لو ماحطوه
اما الأطباق الجانبية من حلى و فطائر
الناس و ظروفهم
فيه اللي مايعرف
و اللي مايقدر
و اللي ما معه
و اللي ماتدخل المطبخ !!!

و في حال جبت معي شي
أحب انهم يحطونه و ان ماحطوه !!
يمكن شالوه يسهرون عليه اخر الليل !
أو نسوه !

أما اذا ما أكلت من اكلي
بسألها ليش ماتمد يدها
و الأكل مو بالغصب
يمكن ماتاكل حلى كثير ( مثل حالتي )
يمكن تسوي ريجيم
يمكن ماعجبها طيب !!
بس الأكيد إني بسألها



اللي بقوله و خلاصة الكلام
الضيافة اللي اكثر من القهوة و التمر
مو اساسية و لا هي اللي بتسبب لي الضيق
من الناس.. فيه أمور أهم من الأكل تستاهل انه نتضايق عشانها



06-04-1429 هـ, 06:58 صباحاً
 
انا بصراحة اول مره اشارك بس ياخواتي احنا ليش نقيس المعزة بلاكل بعدين ترى اللى احنا نسويه مرررررره كثير انا مثلكم لما احد يجيني اتعب من كثر ما اسوي حتى العيش كنت اخبزة بس بصراحة صرت احس ان كل جيه فيها كلفه وتعب وطووول الوقت في المطبخ فصرنا انا وصاحباتي متفقين علي شئ لما نزور بعض كل وحده تجيب طبق لانكلف علي اهل البيت ولا شئ وبعدين الحياة هلايام ياجماااااااااااااعة صارت جدا صعبة وكل واحده الله اعلم بظروفها والله يوفق الجميع ويازين البساطة وعدم التكلف

وشكري وتقديري للجميع
06-04-1429 هـ, 07:48 صباحاً
 
يعنى انتم تسيرون على بعض عشان تاكلون
ولا عشان تسولفون وتنبسطون وكل وحده وكرمها
استغربت من وحده تقول اللى ما تاكل من اكلي ماعاد استقبلها << ليش غصب

الله لا يبلانا
06-04-1429 هـ, 12:26 مساءً
 
-لماتزورى اقاربك او جيرانك وقدموا بس قهوة وتمر وشاى وعندهم امكانيه بتقديم الحلويات غير ان زيارتك لهم مو اسبوعية .ماشعورك فى هاذى اللحظة.؟؟؟؟؟
صراحه احس نفسي مثقله عليهم والله الدعوه ماهي اكل بس احترام

-لما تزورى اقاربك وفى يدك حلى او حتى بسكويت .. برايك هل يقدموا الحلى اللى جبتيه او لا..؟؟؟؟؟

بصراحه احبهم يقدمونه اجل اتعب نفسي على الفاضي

-لما يزورك احد وتتعبى وانتى تسوى الحلويات لهم وتكونى اكرمتيهم احسن ضيافة وبعد مدة زرتيهم مكلفوا على نفسهم انهم يسوا لكى على الاقل حلى واحد .. ايش يكون شعورك وهذا الموقف تكرر اكثر من مرة ....????..هل اذا زاروكى تردى لهم موقفهم ??او انك تسيرى احسن منهم وتقتدى بالسنه الرسول صلى الله عليه وسلم .?????

اذا تكرر الموقف احسه مقصود ماهو حسن نيه والله رحت مره زياره عند ناس ماكانو متوقعين حضورين عازمين ناس والله قدمو شي خرافي وانا لما احضر يقدمو الي ماشي حاله والقهر الاكثر فناجين القهوه بعد يجيبو الكشخه الدعوه ماهو الحلى بس
4-
اذا جاكى احدوانتى متكلفة اوشئ بسيط...ولا اكل وانتى كلن يثنى على طبخك وش موقفك اذا تكرر هالشئ؟؟

صراحه انقهر اترزز في المطبخ طول اليوم واخرتها ماياكل والقهر اذا كان مسوي رجيم يضرب الظغط عندي تووووووب
06-04-1429 هـ, 07:52 مساءً
 
1-لماتزورى اقاربك او جيرانك وقدموا بس قهوة وتمر وشاى وعندهم امكانيه بتقديم الحلويات غير ان زيارتك لهم مو اسبوعية .ماشعورك فى هاذى اللحظة.؟؟؟؟؟

بصراحة كل واحد حر في نفسه ويمثل نفسه وهذي حاجة راجعة لهم

2ـ لما تزورى اقاربك وفى يدك حلى او حتى بسكويت .. برايك هل يقدموا الحلى اللى جبتيه او لا..؟؟؟؟؟

المفروض يقدموه لان هذا الموقف تو صارلي رحت ازور ناس من اقاربنا

واستريت لهم حلى وطوال الطريق اطالع فيه وسعابيلي تقطر مررررة اشتهيته

وجالسة اقول لزوجي قل يارب .. قال يارب..قلت يقدمون لي الحلى إللي شريته

هههههههه

واتفاجأ يوم وصلت حطت الحلى قدامي على الطاولة وسمرنا وسولفنا

ونادى زوجي وطلعت وهي ما كلفت نفسها تحظر لي منه

هئ هئ الله اعلم يمكن جاهم مغص بعدي خخخخخ

واشوف إنه من الذووووووق إنهم يقدموا الحلى إللي جبته ماهم خسرانين شيء



3-لما يزورك احد وتتعبى وانتى تسوى الحلويات لهم وتكونى اكرمتيهم احسن ضيافة وبعد مدة زرتيهم مكلفوا على نفسهم انهم يسوا لكى على الاقل حلى واحد .. ايش يكون شعورك وهذا الموقف تكرر اكثر من مرة ....????..هل اذا زاروكى تردى لهم موقفهم ??او انك تسيرى احسن منهم وتقتدى بالسنه الرسول صلى الله عليه وسلم .?????

كمان صار لي هذا الموقف مرات ومرات بس اترفع بنفسي اكون زيهم بالعكس اثبت إني احلى منهم

حتى ولو تعبت وهم ما قدموا لي إلا تمرة هذا شيء راجع لهم بس اهم شيء سمعتي



4- اذا جاكى احدوانتى متكلفة اوشئ بسيط...ولا اكل وانتى كلن يثنى على طبخك وش موقفك اذا تكرر هالشئ؟؟

وش عليه منه يا كل وإلا ما ياكل انا واثقة من نفسي

وإللي مو عاجبة لايمد يده ..كثر خيري



الف الف شكر لك..

ولموضوعك الرائع..
06-04-1429 هـ, 08:56 مساءً
 


الساعة الآن 09:14 .