) وصفه أنا مجربتها لتطويل الشعر (
السلام عليكم ورحمة الله وبركاته
هذي وصفة أنا مجربتها ولاحظت فعاليتها في تطويل الشعر وتنعيمه نوعاً ما
مايحتاج تجيبون قلم وورقه مايحتاج لها شي
الله يسلمك تشترون ترمس مطحون ===> لاتشترونه ماطحن لأنه قاسي بيخرب المطحنه لو طحنتوه فالبيت
واللي مايعرف الترمس تراه نوع من البقوليات هو اللي يبعونه مع البليله فالكشكات بس عاد لاتشترون ذاك وتلطونه في روسكم
تأخذون ثلاث ملاعق كبار من الترمس وتحطونها بوعاء وتضيفون لها كأسين مويه حاره
وتخلون هالخليط من الصبح إلى الليل
وبعدين تنخلونه في المنخل<=== للي مايعرف المنخل تراه هو الغربال اللي غنت فيه نجوى كرم من قده
همن تغسلون أو تدهنون به شعركم
وتخلونه برضو من الصبح إلى الليل ثمن تغسلونه
واستمروا عشرة أيام أو أسبوع والأفضل تكون متواصلة
وعقبها أن شاء الله بتسحب شعوركم فالأرض من طولها
لاعاد أمزح بس بيطول شوي
أتمنى الجميع يستفيد من هالخلطه
واللي عنده أي أستفسار أنا مستعده
~~~~~~~~~~~~~~~~~~~
قد تغرينا لمعان القشور دون أن نعلم بفساد اللب!
~~~~~~~~~~~~~~~~~~~ ALIGN]ALIGN]
أم الجوهرة @am_algohr
عضوة فعالة
يلزم عليك تسجيل الدخول أولًا لكتابة تعليق.
أم الشهداء بإذن الله
•
مشكوره ويعطيك العافيه هل تنفع لتساقط الشعر وبورك فيك
بنفسجيه
•
ياليت لو توضحين الترمس اكثر اختى ام الجوهرة واكون لك شاكره
لان اسمع به كثير من البنات وماعرفته
لان اسمع به كثير من البنات وماعرفته
graam7
•
شكرا على الوصفة سهلة وغير مكلفة بس بغيت اسال انا شعري خفيف وكثرة الغسيل بتضر شعري وانتي بتقولي انه لازم متواصل علشان النتائج تكون اسرع انا ما عندي مشكلة في الاستمرار بس اخشى كثرة الغسيل وبعدين فروة الراس لازم تكون نضيفة عند وضع ماء الترمس ؟
الصفحة الأخيرة