بنت الزعفران العفو حبيبتي

الورود الندية
شوفي ياستي جيبي الحمر اللين مو الناشف
حطي بكت كامل
وحطيه في زبدية وفككيه
وصبي فوقه موية حارة إلين ماتغطيه
وخليه ناقع فيه ساعة تقريباً وممكن أقل المهم يذوب الحمر مع الموية الحارة
وإفركية بيدك كويس عشان تتأكدي إن الحمر ذاب كويس
وصفيه بالصفاية
موية الحمر راح تطلع ثقيلة
حطي موية الحمر بقطاعة البصل أو الخلاط تبع الطماطم
وحطي عليه ثوم وكثري ثوم يعني 8 أو 10 فصوص كبيرة ثوم
وحطي كزبرة خضراء وممكن بداله كراااث
وكمان ممكن تحطين نص حبة طماطم وممكن من غير طماطم
وملح وكمون مطحون وفلفل أسود وكزبرة ناشفة
وشوية سكر عشان تكسري حموضة الحمر شوي والسكر مو ضروري
وبعضهم يحط بصل مبشور فوقة بس أنا أكتفي بالثوم لأنه أحلى
وأخلطهم بالخلاط كويس وإذا لقيتيه ثقيل
ممكن تخففيه بموية >>أنا أحبه ثقيل خصوصاً مع اللقيمات أو المقلية
وبعدها ترجعي تذوقي بهاراته وملح إذا محتاج زيادة زودي
وقدميه من غير ماتصفيه
وبالعافية عليكم وإن شاء الله مانسيت شئ في الوصفة
لأني أكتب لك على حسب ما أتذكر...

وإذا في شئ مو واضح عادي يالغلا إسألي أنا حاظرة بإلي أقدر عليه
06-04-1429 هـ, 08:50 صباحاً
 
بصيره الله ينور بصيرتك دنيا واخره ويخليلك احبابك
ممكن حبيبتي اذا فضيتي وماكنتي مشغوله تقولين لي عن طرق طبخك لللاسماك وكيف تنظيفها لانو امس رحت جيان عندنا بالرياض ولقيت سمك حلو بس مومفتوح من النص واحترت فيه

وابغى طرق الصلصه اللي تسويها للاسماك
زوجي يحب الربيان ودي اسوي له
وصلصه الحمر اللي قلتي عليها يعنى تصلح للقيمات قصدك لقيمات رمضان
يعنى طعمها مثل الدبس
مشكوره حبيبتي ومانستغنى اذا انتى من اهل ينبع ابغى طرق الطبخ لكم كيف
07-04-1429 هـ, 08:19 صباحاً
 
للرفع
09-04-1429 هـ, 06:24 صباحاً
 
اقتباس مشاركة  (الورود الندية)
بصيره الله ينور بصيرتك دنيا واخره ويخليلك احبابك
ممكن حبيبتي اذا فضيتي وماكنتي مشغوله تقولين لي عن طرق طبخك لللاسماك وكيف تنظيفها لانو امس رحت جيان عندنا بالرياض ولقيت سمك حلو بس مومفتوح من النص واحترت فيه

وابغى طرق الصلصه اللي تسويها للاسماك
زوجي يحب الربيان ودي اسوي له
وصلصه الحمر اللي قلتي عليها يعنى تصلح للقيمات قصدك لقيمات رمضان
يعنى طعمها مثل الدبس
مشكوره حبيبتي ومانستغنى اذا انتى من اهل ينبع ابغى طرق الطبخ لكم كيف
مشكووووورة على دعائك يالغالية وأسفة ما شفت ردك إلا دوبني
وبالنسبة لطبخات السمك والربيان
ماشاء الله المنتدى مليـــان وأنا شخصياً إستفدت منه مرررة والله يجـــازي الأخوات هنا كل خير
وسلطة الحمر أسويها في رمضان عشان اللقيمات لأني أقسمها بعد القلي نصه أحطه مع الدبس أو العسل أو الشيرة ونصه الثـــاني أقدمه مع سلطة الحمر المشطشطة وطعمها أكيد يكون مالح مو حلو..
وعلى فكره فيليـــه السمك
إلي بجيـــان مرررة حلو
وجربته كم مرة وطلع طعمه روعة جربيه...

09-04-1429 هـ, 09:42 صباحاً
 
للرفع
09-04-1429 هـ, 03:52 مساءً
 


الساعة الآن 03:35 .