مرحبا ببنات عالم حواء الحلوات والمبدعات اهل الذوق والفن

بنات ابغى مساعدتكم وافكاركم
ابغى اسوي عزيمه لحوالي 20 حرمه طبعاً هذا غير اطفالهم
ابغى افكار كيف ارتب وقتي متى ابدء مثلاً لو بسويها يوم الخميس كيف يكون ترتيبي
لاني ماعندي احد يساعدني ابد انا لوحدي

أبغى اسوي للقهوه : من 5 الى 6 أنواع حلى

وابغى اسوي للشاي : فطاير و نوع كيك واحد بس

والعشا ماادري كيف : ودي اسوي صواني مكرونه ومسقعه ورز
وسلطات

عاد المشكله ان اكثر هالضيوف مايشرفوني الا الساعة 10 والبعض من بعد المغرب
يعني من بعد المغرب الى 10
(( يازين الرياض من بعد العصر والناس مليانين , بس فعلاً جده غير اخر الليل تبدء الضيافه المعذره يااهل جده انا توني جديده عليكم ابغى اتعلم النظام عندكم ))
ماادري شلون ارتب متى اقدم القهوه ومتى اقدم الفطاير ومتى العشا ؟؟؟؟؟؟؟؟؟؟؟؟؟؟؟؟؟
وكيف اقدمها افرش سفره او اسوي لك وحده صحن مشكل من كل الحلويات واحطها قدامها

لاتقولون سوي بوفيه ماعندي طاولات عندي طاوله صغيره اربع كراسي وبيتي بعد صغيرون على قدنا طبعاً

يلا عاد ابغى افكاركم
04-04-1429 هـ, 11:05 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يسهل عليك وتكون عزيمتك روعه والكل يعجب بشغلك وسناعتك
العشاء افرشي سفره بالارض دام ماعندك طاوله كبيره
المهم السفره رتبيها لفي كل شوكه وملعقه بمنديل ملون ومشجرر
ورتبي الكاسات والصحون وخليه زي البوفيه بس ارضي على الارض
والحلى احس تكفي اربع انواع مع صينية تمر
لاتكثرين مره علشان مايشبعون ولاياكلون عشاك
وقبل مايجون الضيوف جهرزي كاسات العصير بصينيه وخليه بدايه للضيافه كل من جاء عطيه كاسه
مو لازم كلهم مع بعض يشربون سوا كذا افضل
وموفقه
05-04-1429 هـ, 01:08 صباحاً
 
الله يجزاك خير اختي برونا على افكارك
تسلمين
والله يعوضك خير
05-04-1429 هـ, 02:27 صباحاً
 
ربي يسعدك ويعينك
والله حاسة فيك
اهم مافي الموضوع تكوني مرتبة وقتك وادواتك وافكارك
ومجهزة كل شي من بدري قبلها بيومين
يعني ما يصير باقي غير التقديم والتسخين
يوم الثلاثاء كانت عندي عزومة
حضرت كل شيء الكاسات الفناجين حتى صحون الغرف والاكل
والكاسات ومفرش السفرة وملاعق الاكل وملاعق الحلى سفرة الرجال
كل شيء جاهز من ............... الى
سويت 3 ثلاجات قهوة للرجال والحريم
الرجال وحدة واحنا وحدة والثالثة من باب الاحتياط
العصير حطيت ثلاث انواع تقدمي للوحدة نوعين وهي تختار
على القهوة صحن في 2 قطعة جاتوة صغيرة ودرت عليهم بالشكولاته
لاتكثري مع القهوة عشان يتعشوا وما يرواح تعبك على الفاضي
بعد القهوة العشاء مع الشاهي اذا بيمشوا بسرعة
واذا بيتاخروا خلي الشاهي لوحدة بعد العشاء
طبعا زي ما قلتلك انا محضرة كل شيء من بدري في الثلاجة
كنت مجهزة الصحون مغلفة بس فكيت التغليف ووديتها على غرفة السفرة
" ثلاث انواع سلطة في زبادي كبيرة وكل وحدة تغرف في صحنها 2 للرجال و3 للحريم
ورق عنب موزع في ست صحون 2 للرجال و4 للحريم
2 صحن كبير سمبوسة دجاج مع الخضار
2 صحن كبير بيتزا كذابة
" صينية مكرونة بالباشميل + صينية كبة بالصوص + صينية كرات البطاطس مع الدجاج "
هذي الصواني جاهزة فقط وضعتها من المغرب في الفرن وخليتها تسخن على اقل من مهلها
وقت العشاء وزعت كل نوع في 4 صحون 2 للرجال و2 للحريم
2 سلة خبز قطعته مثللثات من بدري وحطيت تحته منشفه فخمة وغطيته بكيس
الين وقت التقديم بس شلت الكيس وحطيت السلة
حلى السفرة كان تشيز كيك + قدرة قادر
بس وزعت الصحون والملاعق على الطاولة والرجال سفرة ارضي
وعلى فكرة ماعندي احد يساعدني ابد كنت معتمدة على نفسي
وجبت شغالة باليوم بس عشان غسيل الاواني ونظافة المطبخ اول باول
والشاهي الرجال ثلاجة شاهي مع الحبق
والحريم 2 براريد شاهي مع الحبق + شاهي باليمون والسكر خارجي
كل هذا مع بعض حلى السفرة مع ملاعقه وشوكه طبعا في منديل مرتب وملعقة الشيل والصحون على طاولة جانبية
براريد الشاهي مع الكوبايات وصحونها والسكرية وملاعق التحريك في تبسي حطيتها على دولاب السفرة الصغير
باقي اصناف العشاء مع ملاعق الغرف على السفرة وصحون الغرف موزعة
كل صحن عند كرسي على يمين الصحن ملعقة وشوكة ملفوفه بمنديل
حطيت علبة مناديل خارجية عند براد الشاهي
الوان المناديل والصحون وكل اشيائك حسب الغرفة اللي راح تقدمي فيها وحسب صحونك
الرجال سفرتهم ارضية وكنبهم سماوي وليموني
حطيت سفر ة سماوي والمناديل ليموني
وطقم السفرة والملاعق ذهبي
كل هذا تقدري تطبيقيه على سفرة ارضية
وبالعكس الراحة في التوزيع على الارض
اكثر لان الطاولة تقيدك بالمساحة
اتمنى اكون افدتك لو شويه وطمنيني عليك
على فكرة اهم شيء نظافة البيت اول باول + حمام ومغسلة الضيوف نظافتهم وريحتهم
وحطي عند المغسلة كلونيا خفيفة
ربي يوفقك ويعينك
05-04-1429 هـ, 01:00 مساءً
 
الف شكر ياقلب هيثم
راح اتبع كلامك وبسوي نفس ماسويتي
حتى العشا بأخذ منك بعض الاطباق
الف شكر على هالنصايح تسلمين
05-04-1429 هـ, 06:19 مساءً
 


الساعة الآن 02:06 .