السلام عليكم
هلا بكل عضوات منتد يات عالم حواء

بس ممكن طلب

تكفون بغيت طريقة المندي الصراحة ماني مقتنعة بكل الطرق الي عندي

لكن فيكم الخير تقنعوني دائما

مشكوررررين مقدما

أنا أنتظر

حبيبتي غالي والطلب رخيص انا اكتب لك الطريقه اللي انا اسويها وإن شاء الله تعجبك..... نبدى بالطريقه على طول.................. تحطين شوية زيت وتحطين مستكه ..إذا دجاجه كامله تحطين اربع حبات وإذا نص تحطين حبتين .. بعدين تحطين الدجاجه وتقلبينها شوي بعدين تحطين الماء الكافي للنضج وتحطين عيدان قرفه وملح .بعد مايستوي الدجاج تطلعينه وتحطين الرز...على جنب حطي في صحن نص ملعقه صغيره صباغ الزعفران ونص ملعقه صغيره كركم وربع ليمونه إعصريها عليه وبعدين حطي كاسه صغيره مويه...تمسكين الدجاج وتحطين عليه الصبغه الى ان يتغطى بالكامل بالصبغه وتحطينه في الفرن وتحمرينه يعني تولعين اللي فوق ..حق خمس دقايق .. طبعا الرز خلص تاخذين من المرقه حقت الدجاج وتحطين على الرز بس لاتكثرين علشان يجي لونين ,,,ولا تنسين تملحين الرز كنت بخرب الطبخه,,, الحين خلص الرز ولعي فحمه بعدين حطيها في شويت زيت في صحن صغير وحطيها في القدر وغطيه علشان ينكتم ’’’’’’’’’’ ’’’’’’’’ اتمنى إني افدتك وبالعافيه .............. ودمتم سالمين,,,’’’
الله يعطيج العافيه يا منّو..
ما شاء الله عليج شكلج طباخه ماهرة,,
رب اشرح لي صدري ويسر لي امري

هذي الطريقه اخذتها من المنتدى

بس والله وااايد حلوه

والكل مدحها يوم سويتها

ودايما يطلوبونها مني اخت زوجي زوجها يقولها تعلميها منها انتوا ما تعرفون تطبخون

انا كم مره سويتها حتى زوجي يوم كلها دايم يطلبها مع انته ما يعجبه الا العجب

ممكن باللحم او الدجاج

الطريقه تتبلين الدجاج بالملح والليمون والكركم والفلفل الاسود والفلفل الاحمر والبزار

وتخلينه

في بايركس تحطين بصل محمس في الزيت والعيش المغسول والمنقوع وياليت عيش الوليمه يطلع احلى

تقطعين طماطم عليه وفلفل اخضر حار 6 حبات صحيحه

وبهارات صحيحه هيل قرفه مسمار وملح تخلطينه كلهم في البايركس

ثم تضيفين الماي لين يغطي الرز ويرتفع عنه سم

تشوفين الملح زين والا لا وتضبطينه

غطيه بورق الالمنيوم زين مرتين يعني طبقتين

خرمي الالمنيوم ثم حطي عليه الدجاج المتبل

وغطيه بالالمنيوم مرتين بعد

بحيث يكون بين الدجاج والرز الالمنيوم المخرم يشان الرز يشرب ماي الدجاج ونكهته

دخليه افرن وهو مغطى زين على درجه 180

لمده ساعتين ويوم يستوي احرقي فحمه وحطي بياله في وسط الرز فيها زيت وحطي الفحمه المحروقه وغطيه زين عشان ياخذ ريحه الفحم

وان شاء الله تعجبك
الله يعافيك يام رزون واتمنى إنك تجربينه وإن شاء الله مااكون بالغت لو اقول إنه مثل اللي من السوق .....


الساعة الآن 04:51 .