السلام عليكم ورحمة الله وبركاته

شلونكم يا احلى واطيب بنات ؟؟؟؟ طبعا العاده كل ما تواجهني مشكله بالمطبخ مايكون لي غيركم يا بنات ,, فحبيت اسالكم عن هالمشكله اللي دايم اواجهها

طبعا الحلى اللي يكون فيه بسكويت من اسهل واسرع انواع الحلويات ,, يعني باختصار اللي يفشل فيه بعد ماله لازمه يقعد بالمطبخ خلاص

و انا للاسف عندي مشكله بهالنوع من الحلويات يا بنات ,, مشكلتي اني كل ما اعمل حلى فيه طبقات بسكويت ,, بعد ما اصب الخلطه على البسكويت ,, تطلع حبات البسكويت لفوق وتحوس لي الشكل ,,, طبعا الطعم يكون حلو بس الشكل يفشلللل وما يصير اقدمه جدام الضيوف وهوه بهالشكل ,, ما ادري ليش دايم يصير معاي كذا ؟؟؟؟ مع اني احيانا اغمس البسكويت بحليب واحيانا ما اغمسه وبكل الحالتين يطلع البسكويت لفووق سواء غمسته او ما غمسته


انا قلت لازم اوثق خيبتي علشان كذا بحط لكم صور الحلى اللي فشلت فيه ,, وانتم احكموا وقولولي ليش صار معاي كذا
شوفوا الصوره شلون الشكل مخترب (( هالحلى كان عباره باسكويت بالايس كريم )) اخذته من المنتدى






شايفين شلون البسكوت سابح لفوووق زي التيتانيك لما غرقت (( على قولة وحده من الاخوات ))؟؟

وهذي الصوره لحلى ثاني ,, عملته بكريم الكراميل ووو برضه نفس المشكله التعيسه

[


فما ادري الحقيقه ليه كل ما اعمل حلى طبقات فيه بسكويت يطلع البسكويت لفوووق ؟؟؟ قربت اتعقد والله
[
واذكر مره عملت ميني تشيز كيك وحطيت بالاوراق الصغيره بسكوت ماري اصغر حجم وبعد ما صبيت الخلطه صعد البسكوت لفوووووووووووف بعددد


اتمنى نصايحكم يا بنات ,,, انتو بعد يصير معكم كذا ؟؟؟؟؟؟؟؟؟ والا بس انا ؟؟؟؟؟؟؟؟؟؟ وشنو السبب ؟؟؟؟؟؟!!!!!!!!!!!!!!!!!!!

بانتظار ارائكم وتجاربكم الفاشله ((سابقا )) عشان ما تزعلوون ,, بس ردوا علي لا اتعقد
09-04-1429 هـ, 04:34 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حبيبتي انا باقي اواجه نفس المشكله
فيه طريقه احيانا تضبط معاي
وهي اني اغمس البسكوت قبل صب الخلطه وبعدين اصب الخليط بالمغرفه على قد مهلي يعني ببطئ شديد ان شاء الله تنفع معاك
09-04-1429 هـ, 05:07 صباحاً
 
اكيد السبب انه الكريمه او الخلطه تكوون خفيفه فا اكيد راح يرتفع البسكوت
..
لما تصبي الخليط جيبي ملعقه طعام واقلبيها وصبي بهدوء وراح يضبط معاك؟
09-04-1429 هـ, 05:12 صباحاً
 
لكي البسكوت في الحليب شوي وحطيه في الجاط
مايعود لما تصبي الخليط يطلع البسكوت
09-04-1429 هـ, 05:24 صباحاً
 
احتمال يكون الخليط كثير يعني
لاتصبي الخليط كله سوي شوي من الخليط
اللي يكفي يغطي البسكويت
واحتمال يكون الخليط سائل
09-04-1429 هـ, 06:29 صباحاً
 


الساعة الآن 12:59 .