السلام عليكم يابنات تكفون انا ذقت فطيرة تفاح عند وحده واول مره اشوفها يعني مافي ميانه واستحيت اسالها قصه صارت الله يعينكم علي المهم هي اعتقد مافيها خميره واجد ومحشيه تفاح ودارسين وشكلها مقليه مو بالفرن بنات الي عندها فكره تقولي صراحه تصلح حق رمضان وخفيفه تكفون لا طنشوني هههه

عندي طريقة روعة لفطيرة التفاح زي حقت المطاعم السريعة بالضبط :
المقادير : عجينة سويتز الجاهزة
اربع تفاحات مبشورات
كاسة سكر
ملعقتين صغيرة قرفة
ملعقتين كبيرة دقيق
عصير ليمونة
تاخذين مقادير الحشوة في طاوة على النار لحد ماتثقل ويستوي التفاح
تقسمين السويتز من الوسط بيصير عندك مستطيل صغير حطيي ملعقة من الحشوة في الوسط وبعدين جهزي دقيق وموية علشان تلزقين فبهم الثلاث اضلاع مالت المستطيل وتصير الحشوة منتفخة شي بسيط من الوسط والاضلاع كلهل مسكرة زين ..
عاد اذا حابة تقلينهم مباشرة اقليهم واذا حابة تفرزينينهم فرزنيهم ..
وان شاء الله اكون افدتك وادعيلي ان الله يحققلي اللي في بالي ...


الساعة الآن 06:27 .