اخواتى السوريات وكل من تعرف الرز بفول كيف ينعمل دلونى لاخيب الله رجاكن .
.

من لا يرحم لا يُرحم
اخت قريبة اهلها اسفة لتأخري في الرد بس والله هلا شفت موضوعك

اعتقد ان في كتير طرق وانا طريقتي سهلة جدا وهي ان تقلي الفول الاخضر" بعد تقشيره طبعا" بشوية سمنة وتطبخي الرز عادي وعند غليان ماء الرز تضيفي الفول المقلي وتحركي وتكملي طبخ الرز عادي وبعد استواء الرز حركيه ثم تضعيه بالصحن وتحطي على الوجه اما لحمة ناعمة مقلية مع صنوبر او دجاج مسلوق وبس صحتين وهنا
ان شاء الله تكوني فهمتي الطريقة

هذه طريقتي الخاصة في صنع الرز بالفول ان شاء الله تعجبك

ملاحظة : لسهولة تقشير الفول ضعيه بالماء عشر دقائق قبل تقشيره

مابعرف اذا في طريقة ثانية ان شاء الله اذا في وحدة بتعرف طريقة تانية تكتبها لك انا فقط حبيت اساعدك
السلام عليكم يا جماعه
بتصور الرز بفول كيف ما انعمل لذيذ،انا طريقتي تختلف شوي.
-بسلق لحمة الخاروف المقطعه بالطريقه المعتاده.
-يقلى الفول الأخضر قليلا بالكميه اللازمه من السمنه, يضاف اللحم المسلوق وكميه مناسبه من مرقته لطبخ الرز ويكون ساخن عم يغلي طبعا, والكميه اللازمه من الملح وشوية بهارات ,وبعدين سقطي الرز واطبخيه مع باقي المقادير كما يطبخ الرز عادة حتى ينضج يمكن تزيينه بلحمه مفرومه مقليه وصنوبر ولوز مقلي ،ويؤكل معها لبن زبادي او سلطة لبن بخيار وسلطه اذا بتحبي البصل الأخضر كمان بيصير والف صحه وهنا.
فتاة سورية ، belle شكرا حبيباتى على التعاون :24: وباحاول اعمل الطريقتين وبجرب .
من لا يرحم لا يُرحم
شوفي يا حياتي انا حابة اعطيكي طريقتي بس روعة و عن جد بحكي


بس اعذريني على المقادير لان ست البيت بتعرف بشكل نظري لانها مش اكتير صعبة


بتقلي بصل و بعدين بتضيفي اللحمة المفرومة او(قوانص الجاج المقطع اذا حبيتي انك اتغيري عن اللحمة المفرومة)

و بعدين بتضيفي حبات الفول الاخضر فقط بدون العروق الخضرة و بتتركيهم على النار الى ان تحسي ان الفول استوى نص استوة بتحطي ملح و فلفل اسود و بهار و مكعب ماجي على حسب الرغبة و اذا عندك شوووووية كزبرة خضرة حطي معها بتعطي طعم و منظر روعة و اذا ما فيش مش مشكلة

و بعدين بتحطي عليهم الماء و بتتركيهم يستوي 100%


بتكوني ناقعة الرز بتصفيه من الماء و بتحطي عليه نفس البهارات الي حطيتيها على المرءة و بعدين بتضيفيها على المرءة و بتحركيهم و شوفي ان تكون الماء مناسبة للرز يعني متل ما بتعملي الرز العادي بالزبط لا ماء اكتير علشان ما يطلعش امعجن الرز و لا قليل علشان ما يطلعش يابس مش مستوي بعد



و الف صحة و هناء تقدم ساخنة مع البن


الساعة الآن 07:53 .