ما شاء الله

ابدعتى
ماشاء الله تبارك الله .. سفره مرتبه وتفتح النفس

انا احب السفره اللي زي كذا تكون منوعه بدون اسراف وكل شئ فيها منظم ونظيف

تسلم يدينك يالغاليه
سلمت الايادي

بس ياريت تحطي طريقة الاطباق لو مافيها ازعاج
الله يعطيك العافية


الوزن الحالي :96
الوزن بعد اسبوع :
اقتباس مشاركة  (ســــــــارونه)
ماشاء الله تبارك الرحمن
سفره دايمه يارب
ياليت طريقتك في الكبسه اللحم

المقادير والطريقه مع بعض (نوفر بالحروف ههههه ......


انا سويت لحم تويس صغير احلى واخف والي بيي لحم خروف عادي الي تحبين ...


في البدايه اغسلي اللحم زين ..


حطي قدر كبير نصه ماي الين يغلي اول مايغلى حطي اللحم فيه وطلعي الزفاره منه كل ماتكونت شيليها لين تشوفين الماي يصفى ...


اضيفي البهارات ...ملعقتين بهارات مشكله انا استخد الي بالعلبه الخضره الهنديه الي مرسوم عليها سفينه ...وباقي البهارات حب مو مطحونه ..(شويه فلفل اسود + عودين قرفه + ورق غار +ورق كاري (اختياري ) كمون وزنجبيل وملح اليمون )..


وحطي نص ليمونه بقشرها ...وصكي القدر لمده ساعه ونصف تقريبا ..او الى ان ينضج اللحم ..


قبل لاينضج بشوي حطي الملح لاتحطينه قبل علشان ماييبس اللحم ...


واضيفي البقدونس ...


اول ماينضج اللحم صفي المرق وخليه على جنب ..


خذي اللحم وادهنيه بماي ورد مع زعفران ...


ودخليه الفرن يتحمر بس اول مايتحمر غطي بقصدير وخليه بالفرن ..


نجي للرز طبعا انا احب رز الوليمه يعجبني ...


ومره سويته برز ابو كاس بعد طالع لذيذ ...


انقعي الرز بس مو كثير


حطي المرق على النار واول مايغلي حطي ثلاث شرايح برتقال تعطي طعم لذيذ للرز


اضيفي الرز ولا تحركينه كثير ..
وغطيه بالقصدير عدل وخليه يتسبك ...


نجي للحمسه ...


3 بصلات حطيهم بمقلاه بدون زيت احمسيهم بشويه ماي يعني كل مانشف رشي رشه ماي موبكاس رشه بس لين يبدا يتحمر البصل وبعدين حطي شويه زيت ملعقه ملح وملعقه ليمون اسود مطحون وشويه بهارات واخلطيه زين وحطي معاي صنوبر وزبيب مقلي ..
وزينه بشويه بقدونس ....


وبالعافيه




الساعة الآن 07:37 .