بنات سلام أنا خريجة آداب انجليزي بس للأسف تعيسة بالترجمة أبغى أتعلم أصير مترجمة محترفة بأقل وقت هل في معاهد تعليم ترجمة في جدة بصراحة أنا عندي فكرة لمشروع تحتاج أني أكون محترفة ترجمة لأنه كثير من المقالات حتكون مترجمة ... ولو أنا ترجمت يكون أوفر لي ... أنا حأقواكم على فكرة المشروع بشكل مبدأي وياريت تشاركوني الراي أنا بافكر أصمم مجلة خاصة بالأطفال بمعنى تكون فيها قسم خاص باللعب المفيدة للأطفال وكيفية استخدامها يعني يكون في مسح شهري للمحلات والألعاب المختلفة وقسم خاص بأفكار منزلية للأعمار المختلفة يعني نشاطات يقوم بها الأم والأطفال.... وقسم مقالات علمية مترجمة... وقسم نصائح سلوكية.. والله بالنسبة لي هذا الموضوع حلم أبغى أحققوا وانا أعرف أصمم على الخفيف.. طبعاً أنا ماأقدر أعملها مجلة لأنه يبغالها تصريح بس ممكن أعملها مجلة عن طريق الإنترنت للتحميل بمبلغ زهيد هل تتوقعوا كأمهات تكون المجلة عليها اقبال ؟؟ وإذا بتسألي أيش الفرق بين مجلات الطفل الموجودة والمجلة اللي بدي أعملها أنا سفت المجلات اللي في السوق بالنسبة لي كأم ماتستهويني للقراءة والمجلة تشتريها علشان مقال أو اثنين صح؟؟؟ أنا ممكن أشارك اي أحد عنده خبرة وممكن يفيديني بالفكرة لكن والله ماأحلل أي واحدة تنقل فكرتي وتنفذها لأنكم بكده حتهدموا حلم بس من جد أنا ماعندي إبداع بالأفكار فمحتاجة واحدة مبدعة وخلابة وياحبذا لها بمجال الأطفال

بالتوفيق
للرفع
ياجماعة بليييييز عبروني ايش رأيكم بالمشروع وكيف ابدأ هل الفكرة مبتكرة ولا ماتستاهل أضيع وقتي فيها


الساعة الآن 08:32 .