مرحبا يا خبيرات..


طبعا انا ادري اني ذبحتكن من كثر الأسئلة .. بس والله مالي حد اسأله


اليوم سرت الجمعية .. ومريت بالصدفة صوب قسم الأسماك .. واشتهيت الربيان ويا على بالي اشويه في البيت فاشتريت كيلو متوسط الحجم.

طبعاً انا عمري ما طبخت اي مأكولات بحرية على الإطلاق .. وما اعرف كيف المفروض اتعامل مع الربيان .. يعني مثلاً طريقة التنظيف والتتبيل؟؟

والشي الثاني كيف اشويه؟؟ .. يعني استخدم صينية عادية والا صينية مسطحة؟؟ .. وكم اخليه في الفرن عشان ينضج .. وبعدين اخاف ينشف ويصير يابس في الفرن وانا اباه مشوي بس بعد يكون لين.. فهل اشويه وهو ناشف والا المفروض يكون معاه صوص عشان يتم لين؟؟؟؟!!!!!!

اللي عندها خبرة تعلمني..

ترا الربيان يتريا في الثلاجة....
up
هذي طريقتي وان شاءالله تعجبك ماتأخذ وقت وطعمه مره لذيذ ويطلع لين مو ناشف
خذي الربيان وقشريه الا الذيل وفيه خط اسود بالظهر افتيحه بالسكين وشيلي الخيط الاسود
وبعد جيبي طاوه اللي نصلح فيها البيض وحطي شوي زبده وشويه زيت شوي مره
وبعدين حطي الربيان وقلبيه وحطي عليه ثوم مهروس وشوي بصل اخضر وكزبره لحد مايصير لون الربيان برتقالي وبعدين ملح وشوي فلفل اسود وذوقي الطعم مره حلو ممكن تسوينه وتسخنينه وقت الغدا
أنا أتبله بعد غسله فقط بالماء بدون تقشير زي المطاعم والتتبيله مكونه من ليمون ملح ثوم كمون بهارات واي شي تبينه على كيفك وخليه شوي ودخليه الفرن ويطلع مشوي
مشكورات حبيباتي

بس كم يباله في الفرن؟؟؟؟ وهل لازم اقلبه والا لا؟؟

وهل بيكون ناشف والا لين؟؟؟؟ .. وهل ممكن نخليه مع صوص شوي والا لا؟؟؟ واذا ممكن كيف ممكن نسوي الصوص؟؟؟

سامحوني بس انا فعلا جاهلة في سالفة الربيان.


الساعة الآن 04:05 .