زوجي بدو اكلة قال فيها ارنبيط وحمض ولحمة ناعمة ومابعرف اذا فيها مقادير تانية

ممكن الي بتعرف اكلة مثل هاي او بتشبهها تعطيني الطريقة وشكرا

ملاحظة: اعتقد انها اكلة حمصية والله اعلم
03-08-1424 هـ, 06:42 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مرحبا فتاة سوريه ،بنت بلدي الحبيب،شو رأيك تعمليلو منزلة زهره سهله ولذيذه.
قلي اللحمه المفرومه بقليل من السمن وملحيهاو بهريها .
اقلي قطع الزهره (مقطعه ومغسوله ومنشفه بفوطه نظيفه).
في وعاء ضعي قطع الزهره واللحمه على النار بعداضافة كميه مناسبه من الماء تغمرها بالكاد وملحيها حسب الرغبه ،خليها على النار حتى تستوي قطع الزهره وهي لا تأخذ وقت طويل ولا تخليها كتير على النار والا بتذوب الزهره وبتصيرفتافيت.
آخر كام دقيقه ضيفي الكزبره والثوم وخليهن يقلبوا كام قلبه حتى يستوي التوم.
تؤكل مع رز مفلفل وكل واحد بيعصرلها ليمون حسب رغبته والف صحه وهنا،جربي حظك يمكن يمشي الحال معه،وصدقيني طيبه وسريعه ومالها سئله..وعلى فكره انا من الشام مو من حمص.
03-08-1424 هـ, 09:51 مساءً
 
الله يعطيك الف عافية اختي

بس بدي اسألك ليش نحط الماء لتستوي الزهرة مو المفروض ان قلينها ؟

واذا استوت الزهرة والمي ما نشفت فشو اصفيها يعني ولا شلون؟

والثوم احط لها ثوم مفروم قصدك ؟ والكزبرة خضراء ؟ واذا ماعندي كزبرة خضراء ينفع اعملها بدونها ؟

معلش على كترة الاسئلة وان شاء الله تجاوبيني بسرعة لحتى اعملها اليوم
04-08-1424 هـ, 09:05 مساءً
 
عن إذنك belle
تسمحيلي شارك وأجاوب

عزيزتي فتاة سورية هذه الطبخة معها مرقة ما المفروض تنشف المرقة أو تصفيها والثوم لازم تدقيه بالمدقة ولا ينفع أن تعمليها بدون كزبرة لا تصح طعمتها ويجب أن تكون مفرومة
وإن شاء الله أكون جاوبت بالسرعة الممكنة حتى تلحقي بطبخها
04-08-1424 هـ, 10:35 مساءً
 
فتاة سوريه, دمشق الفيحاء السلام عليكم :وشكرا لك دمشق الفيحاء لاجابتك لأنو مع فارق التوقيت بين اوروبا وامريكا اكون نائمه في الوقت اللي تنتظر فتاة سوريه الاجابات على اسئلتها لتكمل طبختها والف صحه هنا ان شاء الله ..:24:
05-08-1424 هـ, 11:06 صباحاً
 


الساعة الآن 12:00 .