عجبني ونقلته 00000 واتمنى يعجبكم
شاب فقير خطب بنت عمه المليونير 00000 وزود عمه طلباته عليه فقال قصيدة
وهذي القصيده:
1- سبحان من يرزق بتوع الملاييـن 0000 الرازق اللي ما يخيب الرجـا بـه-
2- لي عم عنده معـرضٍ للصواليـن 0000 أموت واعرف بس من وين جابـه -
3- وإذا سألته قـال بعـت الدكاكيـن 0000 ما يدري إني ما هضمت الإجابـه -
4- الشاهد إني رحت له قبـل يوميـن 000 في قصره العامـر ودقيـت بابـه -
5- قال ارحب ارحب عدّ ورد البساتين0000يا مرحبا باللـي لفـا يـا هلابـه -
6- قلت البقا عـدّ النفـل والرياحيـن 0000يا شيخ شمل اهل الكرم والذرابـه-
7- قال اسلم الله يحفظك لي من العين 000وآمر أوامر حضرتـك مستجابـه -
8- قلت الصراحة طالبٍ قرب غاليـن 0000ودي تزوجنـي كريمتـك يـابـه-
9- ثنّى وقال اهليـن والله وسهليـن 0000والكون ترخص لجل عينك رقابـه -
10- لكن ترا عندي شـروط وقوانيـن 0000قلت اشرط اشرط يا حبيب الغلابـه -
11- قال أولاً مهر العروسـة ثمانيـن 0000غير الرسوم وغير حق العصابـه -
12- والثانية عمك يبي منـك سبعيـن 0000رسم الأبـوّة والنسـب والقرابـه-
13- وام العروسة حقها منـك ستيـن 0000عشانها ست الحسـن والمهابـه -
14- واخوانها كلن يبي منـك خمسيـن 000عداً ونقـداً تنـدرج فـي حسابـه-
15- وخواتها الخمس اعطهن من ثلاثين 000عشان تتوثـق عـروق النسابـه -
16- وتجيب طقم عيار واحد وعشريـن 000وخاتم من الماس المصفى ترابـه-
17- واكياس متروسة كعوب وفساتيـن 000ألوانهـا واشكالهـا مـا تشابـه -
18- وموتر بسواقـه وفيـلا بدوريـن 000أثاثهـا مـن بطرتـه ينحكـابـه -
19- واحجز لنا قاعة بقصر السلاطيـن 000واحجز بهـا رقاصتيـن وربابـه -
20- وامنع دخول اهل اللحى والبزارين 000واعزم أميـر المنطقـة بالنيابـه -
21- هذي الشروط اللي على بالي الحين 000وذكرني اللي ما حسبنـا حسابـه -
22- قلت اذكر الله يا عـدو المساكيـن 0000واستغفـره لا يبتلـيـك بعـذابـه -
23- الظاهر إنك منت عارف أنا ميـن 000أنا لو ارقا فـوق متـن السحابـه -
24- ما جبت حتى نص درزن مواعيـن 000واضحك بكيفك واعتبرهـا دعابـه-
25- شروطكم هذي شـروط المجانيـن 000شروطكم شغـل ابتـزاز ونهابـه -
26- شروطكم تقصم ظهـور البعاريـن 000شروطكـم همّـن وغـم وكآبـه -
27- شروطكم والله سيوف وسكاكيـن 000تذبح بنات المجتمع مـع شبابـه -
28- وين الرضا والعطف واليسر واللين0000اللي ذكرهـا الله بمحكـم كتابـه-
29- وين الصفات اللي أمرنا بها الديـن 000وين اختفى نهج النبي والصحابـه -
30- يا عم جعل اللي خلقنا من الطيـن 000يرد عقلك مـن خطـاه لصوابـه -
31- ويجعل نصيبي عند غيرك قل آمين 000ويحسن عزا الصابر ويجزل ثوابه -
32- قال انت لو فكرت تفكير صاحيـن 000ما شفت في مجمل شروطي غرابه -
33- حنا بعصـر العـــــــولمـة والمزاييـن 000ماهوب عصر الفلسفة والخطابـه -
34- الناس تسعى للرتـب والنيــــاشيـن 000وانت اهتمامك بالشعـر والكتابـه-
35- والشعر ما ينفعـــك لو هو دواويـن 000ما دام جيبك مثـل بيـت الخرابـه -
36- يا بوك لا تسمع كــــلام المصاخيـن 000واسأل مجرب عاش في وسط غابه -
37- قلت الله اكبر يا محـرر فلســـــطيـن 000من يسمعك يحسبك ذيـب الذيابـه-
38- تراك شــــــايب راس مالـك رياليـن 000 والبنت ما تسوى جنـاح الذبابـه -
39- قال انقلع مالت على وجهك الشيـن 000لا عاد اشوفـك عندنـا يالزلابـه -
40- قلت ابشر ابشر لكن الباب من وين 000واقفيت من عنده على صوت بابـه-
moon1426 @moon1426
محررة ماسية
يلزم عليك تسجيل الدخول أولًا لكتابة تعليق.
الصفحة الأخيرة
والله مالومة فح كبدة
ونفسة عزة علية