السلام عليكم ورحمة الله وبركاته

كما وعدتكم يالغاليات



هذه كشتتنا الجديده كانت الاسبوع اللي فات ايام الاجازه

وقبل العواصف الرمليه اللي اجتاحتنا الله يلطف ويغفر لنا ... طبعا هذاك اليوم بعد ماصليت الفجر طلعت

الحوش والجووووووو كان يهوس زخات مطر تجنن من زمان عنه .. الله يغيثنا وبعد ماتونست بالمطر

رجعت ونمت لحد الساعه 10 وصحيت وطلعت للحوش وكانه نفس وقت الفجر الجو رووووعه ورايق وجبت لي كراسي ونزلت الشغاله سياكل الصغار .. وجلست اتامل وحمد الله

لحدماتصل علي وقال ماودك بعد الظهر نطلع نكشت طبعا ماكذبت خبر وقلت له بعد الصلاة كل شي بيكون جاهز باذن الله

وعلى طول للمطبخ غسلت رز .. وطلعت نقانق .. واغراض السلطه .. والتسالي .. والقهواي .. جهزت كل شي
وطبخت وكشنت وزليت وجهزت بالحافظات .. ماشاءالله وكان... وتزهبنا للكشته


طلعنا للجســـــــــر المعلق علىالساعه 12 ونصف بعد الظهر .. (وادي لبن ) غرب الرياض .. نغير من الثمامه
وقتها مافي الا احنا الناس بعدها مداومه ..

وقضينا وقت جدا ممتع والحلى انووو ماخذه راحتي بالتصوير وتمشى على راحتي واركض ولعب كوره

وكان وبنفس اليوم بالليل لعب الهلال واخذ البطوله من الاتحاد.. احمممم

واتركم مع الصور اللي تمتع النظر وتشوقكم شوي للكشتات .. بس ترى هالايام الجو ابد مايأهل



هنا مكان ماكنا جالسين شوفوا كيف الجو ا بعد الظهر وكانه المغرب



وهنا بساطنا بساط الريح الهوا يهزه و بقهاوينا وتسالينا وقرمش يامقرمش خخخ



وهنا وقفت لكم وخذت وصورة للي تحت ( سيارات الحجز للي زقطوها المرور مخالفه )

يتبــــــــــــــــــع يتبـــــــــــــــع
16-04-1429 هـ, 09:44 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1


وهذي صورة الشغاله والبزران تحت برج ايفل طبعا في صور مقربه لهم بس هذي من بعيد تشوفون كامل البُرج


وهذا بعد ماحطينا سفرتنا ومثل ماقلت لكم جهزتها من البيت بعكس الكشته اللي فاتت طبخنا فيها



رزعنبر ابيض ريحتة تجيب العافيه بعد الله.. مكشن بحلى كشنه غريبه بنسه لكم بالنقانق والسمنه لاتفوتونها والله روووعه وماتنشبع منها+مخلل + فتوش +لبن وبيبسي+ شطه

يتبــــــــــــــــــــــــــــــــــــــــــــع ع ع ع
16-04-1429 هـ, 09:47 مساءً
 
اف هالمنتدى غريب ماينفع ادراج اكثر من 3 صور في الصفحه.. عشان كذا

بطينا عليكم بتنزيلها .. وياما في الجهاز من صور واشياء متعيجزه انزلها المهم نرجع للكشته



هذا صحني يمي يمي .. مااحب اكل بالصحون والملاعق السفري احس بطعم الاكل مو حلو فيها والغسيل على>



وهذي صوره بعد ماتغديت اخذت جوله كعابيه استكشافيه حول المكان معاي دربيل والجوال وهات ياصور

لاقيت اشياء واشيا ( ورق كوتشينا : جوال مدعوس :مصاقيل :ضومنه:ميدلية مفاتيح :مجلات وكتب : مراهم وادويه :الى الخ)

ولقيت شي حلووووووو ياعالم يهبل يخبل و بغيت انتحر واطب عليه من روعته تدرون شنوووووو ؟؟؟


؟









؟







؟





؟








الخضره والماااااااااااااااااااااء ووجهي الحسن

ونزلنا بعد اللي شفته على طوووووووول بسياره تحت وادي لبن

واخذت لكم بعض الصور لكن

يتبـــــــــــــــــــع
16-04-1429 هـ, 09:50 مساءً
 




وهذه الصور بعد مانزلنا تحت وخذنا جولة وايس كريم



هذا مزبن ماادري من سواه الله يعافيه بصراحه تكينا فيه



شوفوا الخضار اللي تمردغت عليه لين قلت بس

وهنا انتهينا اخيرا

اتمنى تعجبكم وتقدرون تعبي من تحميل وتصغير واضافه كله لعيونكم

والحمدالله رب العالمين .. والصلاة والسلام على اشرف المرسلين
16-04-1429 هـ, 09:51 مساءً
 
ماشاء الله روعه الصور

الله يهنيكم
16-04-1429 هـ, 10:18 مساءً
 


الساعة الآن 08:05 .