زوجى يحب السمك واتمنى اضبطه زى المطاعم بسسسسسسسسسسسسسس؟؟
يوم يطلع حلو وعشره لا مع انى استحدم نفس التتبيله
ثوم ليمون ملح فلفل كركم كمون شويه زيت شويه ويتبطط ويجلس ساعه او ساعتين بعدين اقليه كل وجه لحد مايستوى كذا والا لا
ليششششششششششششششششششششششششششششش
يطلع يابس وماله طعم
هل التتبيل بكميات معينه ؟هل المده قبل القلى قصيره؟ هل الزيت حار؟
السمك شعور وصغير الحجم دلونى بالله على الطرق الصحيحه لقلى السمك
ورز السمك المميز هل يحطون فيه مرقة سمك بعدما يتشوح فى السمن؟

لو طنشتونى ماعاد ادخل المنتدى
ارجوكم ترانى رايحه للعمره وبادعى للى تساعدنى
05-08-1424 هـ, 05:36 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم و رحمة الله و بركاته

حبيبتي ماري , أولا وحشتيني جدا , ازيك و أخبارك ايه ؟
بصي يا ستي أنا عاوزاكي تدعي لي في العمرة سواء كانت اجابتي هي الشافية أو لا , ربنا يخليكي عاوزاكي تدعي لأمي بالشفاء و لأولادي بالهداية .

شوفي يا ستي اللي أنا فهمته من سؤالك أن السمك بيكون ناشف معاكي في القلي مش كده ؟
شوفي يا قمر بعد ما تتبليه غلفيه بالدقيق ثم احمي الزيت و بعدين حطي السمك في الزيت ثم هدئي النار يعني طالما السمك صغير أو متوسط يبقى خلي النار متوسطة .
و بعدين ما تحمريهوش أوي أوي لأن زيادة التحمير بتنشف السمك.

أما الأرز فهو كما يلي يا ست الكل

- الأول تحمري بصلتين مكعبات في الزيت ( تحمريهم أوي أوي ) يعني بيكون البصل أسود و لسه هيتحرق .
- بعد كده حطي ماء و اتركيه يغلي مع البصل علشان يكتسب اللون البني.
- ثم حطي الأرز و اضبطي الماء و الملح و كملي طبخه عادي.

فيه ناس بتحط مع الماء التتبيلة المتخلفة من السمك.
و فيه ناس بتحط جزرة مبشورة مع الأرز و طماطماية مقطعة صغير جدا .
أو الجزر بس أو الطماطم بس و ده يرجع لذوقك . عموما أنت جربي كل الطرق و شوفي هتحبي أي طريقة أكثر.

أرجو أني أكون أفدتك و ما تنسيش تدعي لي
07-08-1424 هـ, 09:13 صباحاً
 
روحى يانورما يابنت ام نورما ربنا يوقف لك عيال الحلال زى ما وقفتى جنبى كده وسامحينى اصلى مشغوله قوى الشغل والعيال وابو العيال اللى مايعجبه حاجه! وبصراحه انا طماعه انا لازم ازورك شخصيا وادوق السمك بتاعك
بس مش الفسيخ!! ربنا يارب يحقق لك كل امانيك :24:
07-08-1424 هـ, 03:05 مساءً
 
السلام عليكم و رحمة الله و بركاته

حبيبتي ماري , ان شا الله يخليكي يارب على دعواتك الحلوة و يارب يسهل لك أمورك كلها في الشغل و مع أولادك و مع زوجك أمين .

نسيت أقول لك حاجة تانية بالنسبة للسمك المقلي , لو تحبيه طري أوي أو لو اتحمر منك زيادة عن اللزوم من غير ما تاخدي بالك , غطيه و هو ساخن هيطرى على طول . و ياريتك تزوروني ياقمر و تأمري و تطلبي اللي بدك اياه كله من عيوني و تكرم عيونك يا أحلى ماري .
08-08-1424 هـ, 10:06 صباحاً
 


الساعة الآن 07:47 .