بسم الله الرحمن الرحيم


السلام عليكم جميعا خواتي الكريمات

وجبة طعام"أمي"وشيلت الهم...

وهي عندها سكر وضغط وكلسترول
ثلاثي أمراض كبار السن السعوديين<===لاأحد يعلم أمي"وتراها زينة الصبايا

المهم إني أحاول أصنع أطباق خفيفه ولكن أشياء كثيره لاتناسبها...وأطباق ماتحبها

مصابيب بر....لالا ماأشتهيها

إيدام؟...لالا ماأشتهيه

إلا أن تكون النتيجه
بانها تروح يم المطبخ وتفكر ساعه وتسوي لها آخر شي نواشف
أو ساندوتش

هذي أمي ولها حق رد لو شي من جمايلها

فكرت ثم فكرت وقلت مالي بعد الله الا هم

خواتي ودي تساعدوني بكذا طبخه تناسب هلأمراض وبنفس الوقت خفيفه
لأني أحيان ماأجي الا بعد العشاء للبيت
وهي ترفض تاكل قبل النوم أكل على اساس مايجلس بمعدتها

يعني تحب أكلات بس ترفض أسويها لانها تاخذ معي وقت وتقول مايمدي قبل اللنوم

غير أني ماعندي مهارتكم بالطبخ...

وجزاكن ر بي كل خير...وبإذن الله لكن دعوه ربي يقبلها.......
19-04-1429 هـ, 01:38 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله وانا أقرأالموضوع اني في قمة السعاده ..

الله يبارك فيك ويجعل ماتسويه مع والدتك في موازين أعمالك يأرب ..

والله لايحرمك الاجر..

والله بصراحه ماعندي فكره بس أعرف كبار السن يحبون الرز الابيض +زبادي قليل الدسم أو منزوع

ممممممم ..سليق ..

جريش..

ممكن كاس حليب +شابوره أو ساندوتش وتغمس ..طبعاًعشاء أوفطور

ممكن شوربه وفيه أنواع كثيره ..وطبعاًتخففين الزيت ..

وفيه عجوزمن أهل زوجي فطورها كل يوم كورن فليكس ههههههه مودرن ..

وممكن تشوين لها دجاج ..أو سمك تبلينه وتحطينه بالفرن ويطلع والا أحلى ..وطبعاًتبتعدين عن اللحوم الحمراء,,

ممكن عصيده ..يحبونها الكبار..

وبس ياقلبي هذا اللي عندي وأتمنى أكون ساعدتك ولو بالقليل ..

لا تنسيني من دعواتك ..

موفقه ..
19-04-1429 هـ, 01:54 صباحاً
 
ماتشوف شر امك...والله يمتعها بالصحة والسلامه ...ويرزقها برك ويرزقك رضاها...



شوفي جيبي جزر وكوسة وفاصوليا وزهرة وبروكلي قطعيها طولي وحطيها بصفايه وحطيها بقدر فيه ماء مغلي وخليها ثلث س تقريبا
حلوة وصحية لازيت ولا بهارات الا ان بغيتي ملح وفلفل اسو

جيبي فيليه دجاج ودخليه بكيس واضربيه علي خفيف بشي ثقيل عشان ينفرد معك ويصير رهيف تبليه بملح خفيف وفلفل اسود وشوحيه بالنار في مقلايه تيفال
او اخلطي بصل وثوم وفلفل اسود وملح خفيف خل ثم نقعي الصدور وبنفس الطريقة او بصينيه بالفرن

فيليه سمك اطبخيه طريقة الدجاج وحطي معاه رز ابيض

وبالنسبه للحم انسب شي لحمة الجمل واشوف وحدة من الاقارب تطبخ اللحمة واذا استوت شالتها من مويتها وحطت علها مويه جديدة وكبست عليها...
19-04-1429 هـ, 01:58 صباحاً
 
19-04-1429 هـ, 02:01 صباحاً
 
الله يشفيها ويخليها لكم والله يجزاك الجنه على اهتمامكم وبرك فيها

ممكن تسوين لها صياني في الفرن للخضار والدجاج وتنوعين فيها كل مره غيري التتبيله والخلطه اللي عليها

ممكن بس تتبلين الدجاجه بخل وشوية ملح وفلفل ورشة بهارات وتقصدرين الصينيه وفي الفرن تاخذ ساعه وسوي

معها رز ابيض او خبز وممكن تنوعين لها في السلطات وشوربات الخضار والا اذا ينفع لها مكرونه مسلوقه وتحطين لها

وجه دجاج محموس مع بصل وطماط وممكن تضيفين له خضار مبشور وممكن سليق وجريش ومطازيز اتوقع تنفع لها

وممكن تسوين لها مراصيع وتبلينها بحليب او كشنة طماط ونوعي لها في الايدامات وبعض المرات اضيفي لها دجاج

والله يوفقك ويخليك لها ويخليها لك ويشفيها ويحفظها يارب
19-04-1429 هـ, 07:16 صباحاً
 


الساعة الآن 08:11 .