اقتباس مشاركة  (كالوري)
انا شفت مخططات وتصاميم الشقق بالبروشورات الاعلانيه اللي يوزعونها

بصراحه روعه ومستغلين كل ركن بالمخطط حتى غرفة الشغاله موفرينها واللي ماعندها شغاله تستغلها مستودع جانبي للمطبخ

والشقق الكبيره لها مداخل خاصه

بس عيبها الوحيد هو الإزدحام السكاني اللي بيصير هناك لأن العماير كبيره فوق الست أدوار ومتجاوره مجرد ما تشوفينها من برى تحسين بالكتمه

بس سؤالي هل يوجد فلل بمخطط القصر انا احسبها شقق بس

مشكوره يا كالوري ما قصرتي...وبالقصر فيه شقق بمساحات مختلفه وفيه فلل...
02-04-1430 هـ, 03:25 صباحاً
 
حلو لقيت موضوع عن شي انا ادور واسال عنه لي فتره فيه احد مشتري من عندهم

او تعرفون احد تكلم عنه ابي اعرف كل شي عنه سلبياته وايجابياته وبالنسبه لاسعارهم كيف مناسبه والا ؟؟

اتمنى اجد رد شاااااافي ........ في الانتظار .........
12-06-1431 هـ, 01:35 صباحاً
 
ما انصحك تشترين في جنوب الرياض لاني اتوقع والله اعلم بعد كم سنه يتسير زي البطحاء ومنفوحه وفيه شي اسمه الرياض الجديده بيضمون فيها بمبان وطقتها هذا اولا ثانيا تراها تحت الوادي وادي حنيفه لو يجي امطار غزيره مثل الي جاء جده سال الوادي ورحتو فيها والله اعلم
12-06-1431 هـ, 02:00 صباحاً
 
وشي بمبان
12-06-1431 هـ, 02:04 صباحاً
 
بمبان حي عند المطار موب حي تقدرين تقولين زي عرقه لانها كبيره الحين عرقه تبع الرياض
12-06-1431 هـ, 03:57 صباحاً
 


الساعة الآن 07:04 .