السلام عليكم ورحمة الله وبركاته ...
شوفي حبيبتي جيبي السمك واغسليه زين وجيبي ملح كميه كبيره وكمون كميه كبيره وشوية فلفل اسود وخلطيهم مع بعض .. بعدين حاولي تنشفي السمك حتى لو بمناديل المطبخ قبل ما تحطي الخلطه ... وبعدين غطي السمك من بره وجوه زين بالخلطه ويستحسن تسوي شقوق في السمك إذا كان قطع كامله مو فيليه ... خليه حول الساعه في الثلاجه وغطيه بسفره على شان الريحه لا تعدم الثلاجه .. بعدين حمي زيت غزير و خرجي السمك وغطسي السمك في الدقيق اغمريه تماماً بالدقيق وساعة القلي خليهعلى الوجه الأول دقايق بعدين اقلبيه على الوجه الثاني الى ان يصبح لونه ذهبي غامق بسب البهارات وخليه على نار قويه في البدايه وبعدين وسط على شان يستوي ويطلع مقرررررررررررررمش ...
الرز .. ممكن تعملي رز ابيض عادي بس حطي على رزك ورق غار وهيل وقرفه وكثري الزيت شويه يطلع الر ز يلمع وطعمه جنان ...
ورز الصياديه .. افرمي بصل كميه كبيرهوحمريها في الزيت الى ان يصبح لونها مثل القرنفل او المسمار لا تحرقيه على الخير على شان لا يصير الرز مر..بعدين صبي مويه فايره على البصل وبعدين صبي المرق في قدر ثاني واضيفي له الرز المغسول والمنقوع لمدة نصف ساعه في ماء دافي .. واضيفي الملح والقرنفل والقرفه والهيل الى الرز .. وعلى نار هاديه حتى ينضج وبالعفيه...


الساعة الآن 08:49 .