هلا خواتي.. بقيت أسألكم كيف نسوي البف باستري بالطريقة الصحيحة..

عاد أنا فلحت في الأشياء الكبيرة وعند البف طحتتتتتتتتتتتتتتتت

مثلا اذا سويته مثلثات بس وحشيتهم بالجبن.. يظل من الداخل عجين شوي..

ومن برع روعة ..

واذا خليته أكثر بيعلق من تحت يعني بيحترق.. وألحين المشكلة في الداخل !!

فأي وحدة عندها خبرة فيه لا بخلون عليه.. وكم ياخذ في الفرن وكيف طريقته بالضبط..

واذا بعد عندكم أفكار يعني كيف نحشيه.. رولات أو نقليه أو شي جذه..

يعني قولولي من طأطأ لسلام وعليكم.. والله يعطيكم العافية
06-08-1424 هـ, 07:52 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اختي المسافرة علشان يستوي البف باستري لازم تكون حرارة الفرن عالية ، وبس يرتفع يحمر من فوق
اما بالنسبة للحشوات أنا جربت عدة طرق منها :
ألف النقانق بالبف وأدخلها الفرن لذيذة ( اخذتها من المنتدى )
احشيها بالجبن وأدخلها الفرن ( أو بالحماصة حق التوست) أسهل وأسرع وأصب عليها شيرة
او حشو سمبوسة ( دجاج أو لحم )
أو حشو باي التفاح ( تفاح مع زبد وبقسماط وقرفة وسكر وزبيب) وأرشها بالسكر البودرة
أقطعها أشكال واحط عليها زعتر أو كمون وسمسم
المحشية أغلبها أسويها بالحماصة أسهل وأسرع
وسلامتك
06-08-1424 هـ, 08:42 مساءً
 
السلام عليكم

يحتاج حرارة عالية وبسرعة يستوى

ممكن احشيها تفاح مع سكر اسمر ورشة قرفة وتقطع من الاطراف شكل الشرايط وتسكر مثل التقاطع
طبعا احب استخدم المربعات الصغيرة


او تحشى بنفس الحركة دجاج مع مشروم وفلفل اخضر بارد وباشميل


او الشريحة الواحدة تقطع 4 قطع وتحشى كل قطعة بالكيري وتسكر وتطلع مثلث وعلى الفرن على طوووول ثم الشيرة


وفي طريقة ذكرتها في المنتدى ...الباف باستري بالسبانخ والجبن

واذا تذكرت شي لي رجعة معاك :24:
06-08-1424 هـ, 10:39 مساءً
 
والله انا اسويه بحراره 150-270 تقريبا لمدة20 دقيقه وبعدين احمره من فوق
وبالنسبه للحشوات حسب الرغبه انا أفضل الساده أخف يعني مع زبده:24:
ملاحظه : حاولي ما تكثرين الزيت اللي بالصينيه انا استخدم ورق الزبده للفرن جربيه.............
07-08-1424 هـ, 03:13 صباحاً
 
مااااااافي اسهل منه وقت الازمات اعتقد ان المشكله معاك هي حراره الفرن والمدهوهذي طريقتي
1)لازم يكون الفرن حار
2)لا تستعجلين عليه اذا استوى بياخذ شكل البف 3)اذا اخذ شكله العادي حمريه من فوق
هو بياخذ من7دقايق الى عشر دقايق اذا كانت حراره الفرن 250
4)احشيه نقانق على شكل اسطوانات ,اوامده في الصينيه حتى ياخذ حجمهاواحشيها حشوت سمبوسه او كسترد واغطيه بقطعه ثانيه من البف يطلع جناااان.....احشيها جبنه كيري وبعد ما تستوياحط عليها حليب مركز محلى
07-08-1424 هـ, 04:39 صباحاً
 


الساعة الآن 04:25 .