السلام عليكم ورحمة الله وبركاته ...... عزيزاتي طبخات حواء

بغيت أستشيركن في بعض الأشياء .... أحتمال يزوروني صديقاتي وحابة أطبخ لهن شيء بسيط وما اجيب شيء من برة وش تنصحوني فيه
ولو سويت متلا كودو أو بطاطس مقلية أو أي شي ينقلى متى أنسب وقت للقلي وما يتغير ويبرد وكيف أسخنة !
وهم أحتمال يجو الساعة خمس ونص طبعا صعب اقلية وهم موجودين لان هدا حيكتم البيت ويشغلني عنهم

وأبغي حلى للعشاء سهل في التقطيع وخفيف تنصحوني فيه وكم نوع أسوي برايكم وأفضل أحطة على السفرة ولا بعد العشاء أفضل
علما انه أكيدددددد بعد العشاء بساعه تقريبا شاي أخضر

وأريد ترشحولي أربع أصناف لحلى مع القهوه تقريبا من أختياركم مو من اللي تتقطع >>> معقدني التقطيع
أعرف أن حواء موليان بس أبغى مشورتكن لا غنا عنكن الله يحفظكن

وش هي الأشياء اللي أقدر أسويها من الليل وما يتغير طعمها

نسفي أسوي ورق عنب طبعا لم يسبق لي من قبل بس أخاف يأخد وقتي كولو وحكاية طبخة متخوفة منها

ولكن جزيل الشكر والعرفان ......أختكن ومحبتكن تواصل
20-04-1429 هـ, 10:00 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
20-04-1429 هـ, 10:28 صباحاً
 
حبيبتي ورق العنب سويه قبل بيوم مايضره وطبخه سهل مره
والبطاطس صعب لازم يكون قليه بنفس الوقت وحلى العشاء قدميه بعد مايقومون من السفره ( جبيبي باوند كيك بني وابيض وسوي خلطه( قشطه /كريمه/ حليب سائل / بسكوت مطحون / نسكافه/دريم ويب) قطعي الكيك وصفي الكيك بالصينيه خلي حبه بيضاء وحبه بنيه وبعدين حطي فوقهم الخلطه انا اسوي كل حبه لحالها ماسويه بصنيه متلاصق وبعد ماتحطين الخلطه حطي كيك فوقه الكيكه البنيه حطي فوقها ابيض والعكس بعدين حطي بعد خلطه فوقها ودخليها الثلاجه وبعد ساعتين لحد مايجمد جيبي قشطه وجالكسي وسويه حمام مائي بعدين اقلبي الكيك ودهنبه بالجالكسي وصحه وعافيه
20-04-1429 هـ, 01:19 مساءً
 
انا عندي ليكي حلا مرة سهل ولا فيه تقطيع ولا اي شي
يلزمك عشان تسويه قوالب صغيرة تبع الجلي ويا ريت لو صارت شفافة

المقادير

2 باكت جلي باي نكهة تحبيها
1 علبة قشطة
1 1/2 كوب ماء دافئ
1 1/2 كوب ماء بارد

الطريقة

في الخلاط العادي حطي الجلي البودرة مع الماء الحار
واخلطي ثانيتين بس ليذوب الجلي عندك
بعدين اضيفي الماء البارد واخلطي شوي
اخر شي حطي القشطة واخلطي عدل

حيصير عندك رغوة من فوق وكل ما كثرت كل ما كان احسن
يعني تابعي الخلط اكتر
بعد كده حطيه في القوالب الصغيرة ليبرد بعدين دخليه الثلاجة

يطلع عندك الحلا طبقات وطعمو غييييييييييير عن الجلي التقليدي
واكيد راح يسالوكي ايش مسوية

وممكن تعمليه من الصباح عادي لوقت الحلا يكون برد وجمد

وبالعافية عليكم
20-04-1429 هـ, 02:03 مساءً
 
اقتباس مشاركة  (mhs6793)
http://forum.hawaaworld.com/showthread.php?t=829281
.
.
.
حلويات قهوه

ورق العنب سويه قبل بيوم
أختي mhs6793 الله يجزاك الجنه ياغلا أنتِ دائما سباقة
أسأل الله أن يحفظك ويحميك ويوفقك لما يحب ويضري ويجعل ذلك في موازين حسناتك
مشكووووووووورة ياغلا ما قصرتي


اقتباس مشاركة  (عسل سدر)
حبيبتي ورق العنب سويه قبل بيوم مايضره وطبخه سهل مره
.
.
وصحه وعافيه
عسل سدر يا أسم على مسمى الله يوفقك ويرضى عنك
ويكتب لك بكل حرف كتبتية أجر ياعسل وأسال الله أن يعطيك ما تتمني إنه
ولي ذلك والقادر علية


اقتباس مشاركة  (toqtoq2000)
انا عندي ليكي حلا مرة سهل ولا فيه تقطيع ولا اي شي
.
.
وبالعافية عليكم
أختي toqtoq2000 الله يجزاك الجنه بكل حرف كتبتيه ياغلا وماقصرتي
غفر الله لك ولوالديك وأسأل الله رب العرش العظيم أن يرزقك مما تتمني عاجلا غير أجل
20-04-1429 هـ, 09:50 مساءً
 


الساعة الآن 02:05 .