السلام عليكم خواتي،
بغيت مساعدتكم، أنا سايرة بانكوك وأريد أعرف أماكن التسوق وخاصة وين يبيعون الملابس النسائية وخاصة ملابس النوم.
ومشكورين مقدماً.

هلا ام عبيدان

جربي مجمع طوكيو فيه كل شي تقليد و الاسعار و الجوده متفاوته من محل الى اخر في هالمجمع
بالنسبه للملابس ما اعتقد انها تناسب اجسامنا يا بنات الخليج لانهم هم قصار و ضعاف وايد وايد بس يمكن تلاقي شي يناسبج .
تحياتي
:24: ترى اللي يحبك ... صعب ينساك
حظك عطاك انسان بالحيل يغليك :24:
مرحبا اختي أم عبيدان

اتمنى انك ماسافرتي عشان افيدك بالمعلومات اللي عندي

شوفي بانكوك فيها مجماعات كثيره ماتخلص بس اغلب الناس مايروحون الا لطوكيو لانه كان رخيص بس الحين صار غالي و بضاعته مو وايد حلو ( هذا راي ) بس انا بقولج عن كل المجمات والاسواق اللي في بانكوك
1) سنترال ( واااااااايد حلو والبضاعه جدا راقي وفي ملابس نوم حلوه ومقاسات كبيره ولايطوفك ).
2) امبوريم ( وايد حلو )
3) روبنسون ( ممتاز )
4) زن zen ( هذا المجمع وايد كبير وينقسم الى مجمعين في ماركات حلوه ومتنوعه )
5) بغ سي ( جيد وهو مقابل زن )
6) غايسورن (هذا المجمع يعور القلب كله ماركات اصليه بس في محل ماركت جارلز جوردن في تنزيلات على ما اعتقد)
7) سوغو ( هذا المجمع فاضي تقريبا مافي شي )


*** الاسواق الشعبيه ****
1) باتبونغ وهو سوق يفتح باليل وفي شنط وساعات تقليد الماركات ( كاسريهم بالاسعار لانهم يبالغون بالاسعار )
2) جاينا تاون الحي الصيني ( سوق كبير مايخلص بس لازم تروحين الصبح عشان السوق يسكر الساعه 4 العصر ويبيله وقت لانه كبير واسعاره وااايد رخيصه وفي اشياء بالجمله حق اللي يبي يب بضاعه وفي ادوات مدرسه حلوه ) .

3) نايت بازار سلم ( واااايد حلو يفتح من 8 الي 11 ليلا لا يطوفك عجيب وهادي ونظيف وفي تحف حلو وكل شي .

4 ) سندي ماركت وهو مايفتح الا السبت والاحد ( وفي كل شي بس زحمه وايد )

5) باتو نام سوق رخيص بس عادي


ملاحظه اللي تبي وسيله نقل سريعه ورخيصه ونظيفه في بانكوك تركب القطار اسمه BTS احسن من التاكسي وايد
ونزلج عند كل المجمعات لانه كل محطه تنزل عند مجمع وما عليج الا تسألين الكاشير الي يصرف عن المجمع اللي بتروحينه ياخذ اي محطه .

واذا تبي اي شي ثاني انا حاضره راسليني على الخاص .
نسيت اقولج عن منطقه سيام سكوير ولو تسكنين فيها تمام فيها فندق روعه اسمه نوفوتيل بوسط السوق

هاذي المنطقه فيها مجمعات عجيبه مثل
1) سيام سنترال
2) سيام دسكفري

وفي مجعات مقابل هاذي المجمعات ماعرف اسمه بس وايد حلوه .

واذا تبين اي معلومه عن تايلاند انا حاضره
ماشا الله عليج اختي عيني عليج باردة حافظة بانكوك حفاظ الصراحة الي يبا بضاعة ايسير بانكوك والله انها روعة بس الحين الصراحة صارت وايد غالية الكل الي ايسير ايقول انها غالية ابطرت بانكوك من كثر الزحمة الي فيها وبعد ايبيعون شاي للتخفيف الوزن الصراحة روعة بالفعل اينزل الوزن انا نزلت تقريبا عشرة كيلو بس الحين خلص عني وماعندي حد ايوردة الي وزني الصراحة ماراضي ينزل عن الثمانين


الساعة الآن 02:57 .