أمووله
أمووله
لو سمحتي ياليت تكتبين الخلطتيين
ومشكووره
~ حمامه بيضاء ~
خلطة شسالفة


المقادير:....
صابونه غار مبشورة ناعمة جدا(تنقعينها بكاس ماء ورد طول الليل
عشان تذوب )

علبة جلسرين السائل الشفاف من العطار
علبتين جليسوليد الأحمر كبار
فنجان قهوة زيت زيتون
فنجان قهوة زيت لوز المر
فنجان قهوة زيت خروع
ملعقتين كبار كركم من الخاص بالجسم تلاقونه عند العطار
علبة فكس صغيرة
تخلطينها مع بعض وتحطينها بعلبه ولاتخلينها تتعرض للشمس

والنتيجة بعد 3 أسابيع ان شاء الله .. على كلام صاحبتها



الخلطة الصابونية


1-صابونه الكركم ------------------------- ( تبييض+ نظافة+ تشيل الحبوب الدهنيه بالجسم )
2-صابونه الغار--------------------------- ( تبييض + نظافة وتشيل الحبوب وتصفي)
3-صابونه السحرية------------------------ ( تبييض)
4-صابونه البابايا --------------------------( تبييض + تشيل الحبوب وتوحد اللون)
5-ماي ورد قلاص وربع------------------- ( ترطيب نعومه تبييض)
6-اشوية كركم جسم ------------------------( تبييض)
7-ملعقة كبيره ملح خشن -------------------( تطهر الخلطة + نظافة)
8-ملعقتين كبار سفيد اب مطحون- ---------- ( تبييض)
9-ملعقة وسط نشا-------------------------- ( تبييض + لتماسك الخلطة)

والحين نبشر صابونه الكركم وصابون الغار و الصابونه السحرية وصابونه البابايا

نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون

نبشرهم ونحطهم في صحن بروحهم راح تصير عندج كميه من الصابون المبشور

نخليهم ونروح نأخذ جدر ضيج اشوي ما يكون كبير ونحط فيه قلاص وربع ماي ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طاااع التشبيه المهم

أي والله صج بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

طريقة استخدامها:
مع كل استحمام استخدميها اخذي كميه في ايدج وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو

وبعد الحمام بعد ما تنشفين جسمج دهني جسمج في أي كريم مرطب للجسم عشان تزيد النعومه وترطبين الجسم بعد الصابون
سكرة مكسورة
سكرة مكسورة
انا استخدم الخلطه الصابونيه مع خلطه عروس مضيعه الصاله بس ما احط كالونيا ريفدور
حطيت كحول نقي وطلعت الخلطه روووووووووووووعه تعطي نعومه وبياض وصفاء
والمره الجايه بشيل منها الفكس عشان استخدمها ليل ونهار
(سكون)
(سكون)
مشكووووه ياعسل على الشرح الرائع
جل وخل
جل وخل
مشكووووه ياعسل على الشرح الرائع
مشكووووه ياعسل على الشرح الرائع
تسلمين يا عمري