السلام عليكم ورحمة الله وبركاته

كما وعدت الجميع بمواصلتي بكل ماهو حديث في السوق وكل خبر سيستفيد منه الاعضاء لكي تعم الفائدة للكل واسأل الله ان يوفقني واياكم لما يحب ويرضى


اولا اود ابلاغكم رسالة وهي واجب علي وعلى الجميع على ان نذكر انفسنا بالزكاة التي جعلت الناس يهيمون في الاموال ونسوا ان هناك عذاب لكل من مسك الزكاة فاذكر نفسي واياكم باخراج الزكاة من كل شركة ربحنا فيها والتطهير ايضا ان كانت مختلطة وقيمة الزكاة 2.5 من 100 ريال .

اما الاخبار فهي بشرى لكل الاعضاء

سوفكم ان شاء الله متجه الى 14900 نقطة و كل المؤشرات بيَّنت ان المؤشر وجميع الاسهم سترتفع فلا خوف من شي الان ولكن هناك امر لابد ان اذكركم به الا وهو الخبر السياسي اي خبر سياسي يمس مملكتنا الحبيبة بشي انفظوا المحافظ نفظ وكيشوا في الحساب هذا من جهة

الجهة الاخرى هي سابك سوف لن تكون مؤثرة مثل قبل ولن تؤثر على المؤشر حتى وان نزلت والدليل الايام الماضية كانت تحت التجربة ،،،، كانت بلون احمر والسوق يعاكسها اللون فسابك ستودع التأثير على المؤشر

الراجحي اللي كثيييييير من الاعضاء يسأل عن الراجحي ابشروا بالخييييييير الراجحي متجه الى 115 ريال واذا كسرها سيتجه الى 125 ريال ومنها الى الاعلى ان شاء الله سهم شهم له قيمة سهم محبوب من المستثمرين اللي يدورون الحلال وابشروا فيه يا ملاكه

وفتيحي مازلت عند كلمتي فيه الهدف 40 ريال بس صراحة مصادري تقول لن يتعدى 35 ولكن عندما اخبرته ان هناك جمعية يوم الثلاثاء القادم وستكون توزيع اسهم مجانية لكل ثلاث اسهم سهم مجاني ولما سمع الكلام هذا قال الحين ممكن توصل للـ 40 او اكثر لانه عليها ايجابيات ترفعها

الاسهم الباقية

ارجوا من الجميع عدم بيع اي سهم حتى ترون المؤشر عند النقطة المذكورة وعندها بيعوا وعسى فالكم التدبيلات قولوا امين

والقرار قرارك في البيع والشراء واذا مقتنع من ربحك بكيفك القرار بأيدك

اكرر اي خبر سياسي سيؤثر على السوق بلا شك وكما ذكرت لكم

والزكاة تكفون نبي المطر ينزل والله ذبحونا الهوامير ملاييين بحسابهم ومايبون يزكون بس الحمد ربك عرف وين يعاقبهم الوليد بن طلال خسران في رهن البيوت العقاري ما يقارب 3 مليار وغير من الهوامير رايحين فيها توهقوا من لعبهم في امريكا ويسمعون التدبيلات في امريكا ايو الله انهم دبلوها صح بس الحمد لله على كل حال المهم حنا نزكي وهم لهم من يراقبهم ويحاسبهم

على فكرة لي ثلاث سنين ما اكلت فقع لانه مانزل مطر%%%%%% الله كريم

اخوكم skoot
اخوي الفاضل skoot انا ودي اكتتب في المعجل بس اشوف العيار زاد حبتين على الاكتتاب

الكل يحذر ويهول وبصراحه صرت افكر اني ماكتتب

فابغى شورك اكتتب ولا لا وانا بعد باستخير واللي فيه خير يكتبه ربنا
اقتباس مشاركة  (ندونه)
اخوي الفاضل skoot انا ودي اكتتب في المعجل بس اشوف العيار زاد حبتين على الاكتتاب

الكل يحذر ويهول وبصراحه صرت افكر اني ماكتتب

فابغى شورك اكتتب ولا لا وانا بعد باستخير واللي فيه خير يكتبه ربنا
هلا بك اختي والله مو انتي اول وحدة تسألني عنها بس والله العظيم اني انا مثلكم كلكم بس عني شخصيا راح اكتتب وانا مثلكم بعد راس المال قليل واحب انه يتضاعف والاكتتاب شي راجع للمكتتب يعني انا لو اقول اكتتبي وبعدين خسرت الشركة تبيني انا اعوضك صدقيني ماراح اعوضك ولكن الشي الوحيد اللي اقدر افيدك فيه انك تتوكلين على الله في كل امورك واقسم اني احب لك الخير ولكل الاعضاء بس انا مثل كل عضو مستغرب من علاوة الاصدار فالاكتتاب بالنسبة لي مغامرة وانا ابي اغامر فيها والحياة اصلا مغامرات ايجابية كانت ام سلبية وصدقيني لو تفكرين في بعض الشركات اللي قبلها مثل الفخارية الكل تندم انه ما اكتتب فيها وانا الحين ماراح اطوف ولا اي اكتتاب حلال


وقبل كل شي خلينا نشوف حلها من حرامها وربي يوفقك والقارئين اجمعين
جزاك الله ألف خير على التذكير س/ كيف تكون الزكاة سؤال كبير بس أن شاء الله أنك ما تقصر بالرد
الشيخ الفوزان حللها


الساعة الآن 01:58 .