سلطة الزهرة ياااااااااااااهي خطيرة وغريبة بس حقوق الطبع محفوظة

السلطات والمقبلات والمشروبات

هلا بنات اسيكم بالخير...:cook:
جايبتكم اليوووم سلطه مهيب تهبل الا تاخذ العقل يعني الي عليها قل صح لا تقراها<===وش جابتس اجل؟؟
عاد اقولكم ميزة هالسلطه انهااااااااااااا غريبه يعني مابعد انتشرت والميزة الي احسن انها مايذوقها رجاااااااااااااال الا ويتسدح منها<====متاكدة انها سلطه مهيب زيران:11:
عاااااااااااااد بزيت وجيت اعلمكم ايها بس ياويل الي بتجي تكسحني وتقول قديمه ترى اسوووووووووووووووووووي زي ماسوت جدتي الله يرحمها
تدرون وش سوت؟؟؟





































نامت من غير عشاااااااااااااااااااااا:o:o
عاد منيب مطولتها وهي قصيرة<===لاياشيخه وشو عقبه
السلطه عبارة عن:
المقادير:
حبة زهره<==لغير الناطقين بالعربيه قرنبيط ابيض
تكون مقطعه الى قطع متوسطه مقليه حتى يصبح لونها بني متوسط
نفس الكميه كرنب مقطع لشرائح طويله نحيفه
علبه بطاطس شيبس الي يجي في علبه معدنيه ويكون على شكل عيدان فيه منه حار وفيه منه عادي حنا فيذا نبي العادي نخاف نتوثم في الخلق..
شوي كزبرة خضراء مقطعه صغير
شوي بقدونس مقطع صغير
ذرة نعناع ناشف
ذره سماق
الصوووووص:
ملعقتين زبادي +ملعقتين مايونيز+نصف ليمونه+شوي خل ابيض+ملح+فصين ثوم مهروسة


اهم شئ انك تولمين هالاشياء <===تولمين لغير الناطقين بالعربيه اي تجهزين من جهزا يوجهزو جهازااااا
قبل ماتقلطين ضيوفك او قبل ما تنكبين غداكم تخلطينهم لان حلاتها يكون البطاطس هش فيها
تجين تخلطين المقادير الناشفه مع بعض ماعدا النعناع والسماق
وبعدين تصبين عليها الصوص وتقلبينها واثناء التقليب رشيها بالنعناع والصماق
وعليكم بالعافيه بس من جد اكثرررررررررررر من روعه
انا اول مرة صلحتها كان عندي عزومه رجال وبتقولون لي ليه ماسويتها قبل بقولكم اعرف ابونا مهوب يحب الخرابيط
المهم جاني الابو في العزيمه يقول يالله عجلي انكبي العشاء قلت طاااااااايب هذاني على قدم وساق<===والله منتيب سهله عقب هالسلطه قمتي تطلعين درر:42:
وقف على راسي جعله ماياقف على حبيب ولا عدووو:06::06:
وخلصت من كل شئ واتصدد ابي احط السلطه ادري لاني لو تميلحت وحطيتها وشافها ولا جازت له شكلها لو ماذاقها بتحط في تسبدي ولاهيب محطوطه لضيوف..
:44:
المهم يابن ادم اقنع انه مايصبك الا نصيبك دخل على على حين غره و شااااااااافني وانا احط الصوص قال انشالله هالبرابيس بتحط لضيوفي وهو عاقد حجاجه
<=======حطت يدينها على خصرها وهي تقولها ياااااااسلام
وكل النهار اقلي واقطع واتعب ليه موب علشان هالسلطه ...!!!!المهم عقب التطلب والتشفق قال حطيها ولا عمرتس تعودينها

المهم قلطوا الرجال ويوم دخلت عقب ماقضوا والله انه مابقى منها ولا نتفه
<=====ترها مكثرة اللحين تقولن وشذا القعيطيه
وابونااااااااا قال اما سلطتك ذيك ام البرابيس انهبلو ربعي عليها ماغير كل شوي يطلبها واحد واغلبهم يقولون اكتب الطريقه وصورها لحريمنا قلت ايه هين..:11:
حتى هو صار يطلبها كل فترة وفترة..


عاد خلاص يالله ضفوووو قضت القصه وقضت السلطه حلا هو اشوف جازت لكم القعده اكيد ما تعودتو تقعدون عند تكيف سبيلت<===الله يرحم ايام المروحه القعادية ياخالة

لاتنسونا من دعائكم وتحياتي لكم وانشالله تعجبكم
469
266K

يلزم عليك تسجيل الدخول أولًا لكتابة تعليق.

تسجيل دخول

أعترفلك
أعترفلك
واملحتس ياغادة جلست أنا وصديقاتي نقرا ونضحك قطعتي اتسبدنا من الضحكوأنا اليوم بجرب هالبرابيس على قولة أبوكم عساها تعجب أبونا ( ولو أن عنبر أخو بلال ) اللة يهديهم كلهم نفس الطينة اللة مير يصخرهم لنا ويخليهم وش حنا بلاهم
ام علاء
ام علاء
تسلمى حبيبتى

والله يعطيك الف عافيه

روووووووعه

وننتظر منك المزيد عيونى

تحياتى
غادة الغيد
غادة الغيد
اعترفلك
تسلمين حياتي هيدااااااااااااا من زوءك اختي<===مهيب عاقله ام شكيب
وعساااااااااااااااها انشالله بيضت وجهتس قدام ابوكم..
وانتسان وجهتس مابيض حطي كريم اساس:o
ونورتي الموضوع بطلتك:32:

ام علاء

:24: :26: :26:
تــراميـــسـو
شكلها خطيييييييييييييييييييرة

بس البطاطس العيدان شكلها شئ :21:اول مرة اسمع بالسلطة هذي عندي ان شاء الله الخميس ضيوف ان شاء الله بجربها وأرد عليك ان شاء الله

يسلموووووووووووو غدووو:27:
أم فهودي
أم فهودي
صدق يا بنات لا تفوتكم من جد روعه والكل بيسئليك عن الطريقه
وانا ما خذتها من المنتدى نفسه للاخت الخيلاء الله يعطيها العافيه