السلام عليكم
يابنات عطوني مشورتكم كيف اصرف واعطوني طريقة حلوه وسريعة ابسرعة الله يخليكم قبل مايي ريلي ويحشر الدنيا على راسي..
يابنات ترى الخدامة مالي متصرفة ومتعنية ومن دون شور ولا خبر ومسوية الغدا حضرتها وانا قايله الها اشوي ديايه علشان بسوي كشري وريلي والعيال ماياكلون الكشري الا وياه دياي وهي حضرتها سايره وشاوية الدياي ومسويه العيش ابيض سادة وفي العادة تراني انا الي اطبخ والله لو يدري ريلي انها هي المسويه العيش بياكلني اكل قولولي يابنات شو اسوي مع العيش كيف بياكلون العيال دياي مع عيش سادة ادري ولا واحد منهم بياكل شورا عليه يالغاليات بسرعة..
11-08-1424 هـ, 12:16 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
معقولة يابنات الخير ولا وحدة ردت علية ادخلوا خمس ولا ردوا علية وانا محتاجتلكم يعني معقوله ولا وحدة اتعرف طريقة سهلة اسويها بسرعةبتردون علية ولا لا تراني بنذبح اليوم اذا حطيت هذا الغدا حاف من دون شي
11-08-1424 هـ, 12:57 مساءً
 
طعي مكعبات بطاطس صغيرة علشان بسرعة تنضج
وكشني البصل وضعي عليها مكعب ماجي ثم اضيفي البطاطس وكركم وعدلي الملح حتى ينضج
11-08-1424 هـ, 01:51 مساءً
 
واخيرا احد رد علية مشكورة ومقصرتي حبيبتي وبالفعل هذا السويتة يوم ماشت احد رد عليه شغلت مخي شوي وسويت نفس طرقيتج تقريبا وزيدت عليها الطماطم الخضرة والحين اتريا ابو العيال اي من الدوام ويبشرنا..
11-08-1424 هـ, 04:05 مساءً
 


الساعة الآن 05:52 .