Analysis Services
بقلك على القهوا الجنوبية أغلي مويه وبعدين في براد القهوه حطي أربعه ملاعق بن وجنزبيل ملعقه صغيره وإذا عندك خلطة القصيم القهوه تنباع عند العطار حطي نص ملعقه وصبي المويه عليها وخليها تغلي ثلث ساعه وبعدين حطي ملعقه هيل في ترمس القهوه وصبي القهوه عليها وترا ما يعطي القهوه طعم غير البن الباقي لمن تصبيه في الترمس هو  يتحثل في اسفل الترمس  وترا عادي لو طحن الهيل مع البن المهم انك تحطين شوية هيل في الترمس في الاخر وبالهنا والعافيه
23-01-1434 هـ, 11:56 مساءً
 
انا بصراحه استغرب من هالى يستخدمون خلطات
شي خلطه دوسريه وشي قصيميه ومدري ايش
والى تطحن الهيل والمكونات مع بعض
ياختى خذيه مني قهوتي والله العظيم مضرب المثل فى الريحه وطعم
انا استخدم قهوة هراري درجة اول
احمسه مع شوي اشنه بدون مااكسره بس تعطي للقهوه طعم ولون مشاء الله
اولع عليه النار صغيره واخليه حول الساعتين الى ثلاث ساعات
لم يطلع لونه قريب للون البني المحمر القريب للغامق عشان ماتحسين بكهمة خايسه
كل ماتحمصه القهوه اكثر صار احلى لكن مو تحطينه سود لا تطلع مره
انا درجتي بني محمر مايلى للغامق نوع ماء
ثم اخليه تبرد واشيل منه الاشنه عشان انا مابي اطحنه مع القهوه لانه تسود لونه وتمرر طعمه
هي مفعوله تطلع النكهه مع الحراره فى القهوه بعد كذا ماله فايده وهذي اول سر من اسرار القهوه
نجي لسر الثاني بريق ماء مايعادل ملى ترمس القهوه ونص احطه فى بريق تفويح القهوه
انا احطه فى الغالب ساعه الاثلث وهي تطبخ واهم شي ماحط القهوه الا لم تفوح المويه
مقدار فنجال قهوه لكل ترمس قبل ماطفي النار من التفويح اصب شوي حليب بوني في ابريق التفويح واخليه يطبخ
مع القهوه عشان الون يطلع حلو والنكهه تطلع مضبوطه مايعادل ربع فنجال
وعاد اكون مجهزه بالترمس حق القهوه اغراض القهوه والى هي
الهيل والزعفران وبعض الاحيان المسمار
انا شخصي ماطيق المسمار لكن احطه لكبار السن الى يحبونه
والمقادير كالتالى
3ملاعق حلا هيل مطحون بشكل خشن عشان مايسرب فى الفناجيل اذا صبية
واهم حجه بالهيل اطحني كميه بسيطه على قد استخدامك لان يروح ريحه وطعمه بسرعه مو مثل الى مطحون فرش
ام الزعفران تقريب ربع ملعقة تحريك السكر وهذا يعتمد النوع الى انتى تشترينه
احلا نوع من الزعفران هو الزعفران الايراني غالى مره بس مشاء الله طرف الملعقه يعطي طعم ولون وريحه
تكفيك عن كل انواع الزعفران برك مره اشتريه خصل وانتى الى تطحنينه وحطيه بعلبه ثم بعد ماتطفين ابريق اتفويح خليه تركد شوي ثم زليه على الى فى الترمس واذا تبين مسمار حطي على حسب الكميه الى تبين واذا تبين تعرفين انه انطبخة صح
مقاس الى فى البريق يجي نفس مقاس الترمس مايزيد ولاينقص
اذا زاد معنى الى الان مويه واذا نقص معنها مره ويبي لك تفوحين مويه ومن ثم تزلينه على الترمس
وهذي قهوتي المفضله ياطويلة العمر
24-01-1434 هـ, 12:07 صباحاً
 
كل وحده اعطتك طريتها وكلها قريبه من بعض

يحبيبتي خلي البن يغلي لحالوو يغلي عشر دقايق او اكثر مو مشكله

واهم اهم شي تحطي الهيل تكثريه شويه ويكون بالثلاجه مو يغلي لا

كنت اول اخليه يغلي وقهوتي ماكانت حلوه

بس تعلمت انو الهيل الافضل انو ماينغلي ينحط بالثلاجه مباشرة هو وبهارات القهوه واالكوفي ميت

من جد تطلع رهيبه وجربي حطي كم نقطة موية ورد وشوية زنجبيل طازج

موفقه حبيبتي
24-01-1434 هـ, 12:29 صباحاً
 
رففففففففففففع
27-01-1434 هـ, 05:06 صباحاً
 
هلا اختي

عندي قهوه جاهزه للبيع اذا بغيتي
غاسلتها ومنظفتها وحامستها بالبيت وضايفه عليها مطيبات تظبطها

ماعليك الا تحطين فنجان منها عالمويه وتطبخينها عشر دقايق وتصبينها بترمس فيه نلعقه صغيره هيل

والله ماكذب عليك ولا امدح بعمري لاكن كل من ذاقها سالني وش السر

انا بجده واوصلها لك بي مدينه لو بغيتي
اذا تبين راسليني عالخاص


او اي وحده فيكم بنات الي تبي ترسلي عالخاص

وشكرا
27-01-1434 هـ, 10:18 صباحاً
 


الساعة الآن 09:36 .