وصوفه الموصوفه مشكوره والله يوفقك
سلام

بالنسبة للسمك .... نظفيه وغسليه وخليه ينشف .... بعدين تبليه بملح وبهارات وكركم وليمون وثوم مهروس .... وخليه على جنب ...

سوي حشوة للسمك .... عبارة عن بصل مفروم وليمون وطماطم مكعبات وبهارات وكركم وملح وفلفل احمر حار لو تحبي وكزبرة خضراء مفرومة .....

وحشي السمك .... بعدين خذي صينية الفرن وبطنيها بقصدير زحطي السمك واعملي فيه خطوط بالسكين بس ما تكون غزيرة جدا ثلاث او حسب حجم السمكة وحطي شرحات ليمون داخل الفتحات اللي عملتيها بالسكين .... ودخلي الصينية للفرن متوسط الى حار .... تقريبا ياخذ اكثر من نص ساعة اذا كان السمك متوسط الحجم .... واذا طلع ماء خذيه بالملعقة ورشي على سطح السمك حتى ما يحترق وينشف ....
ممكن تشعلين الفرنمن فوق لتحميره شوي ....

وبالنسبة للكبسة .... يا انك تحطين لكل كوب رز كوب ماء او مرقة ....
او انك تخلي الماء يرتفع عن الرز بمقدار 2 سم ....
اول شي تخلين المرقة او الماء يغلي وبعدين تضيفين الرز ( المنقوع مسبقا )وتخلينه شوي يغلي وبس يقل السائل شوي خفضي الحرارة مرة وسكري عليه وخليه لحد ما يتنشف حلى راحته او انك تدخليه لفرن دافي ( اقل من الحرارة المستخدمة لعمل الكيك ) ....
ولما تجي تشوف الرز استخدمي شوكة كبيرة حتى تفككين حباته وما تتكسر ....
أبدعي ... فأنت في عالم حواء




نصيحه حبيبتي جيبي لك سمكه قبل العزومه وجربيها عشان ماتتوهقين
لا تكن اليوم من الشامتين فتصبح غداُ من المبتلين


الساعة الآن 05:46 .