السلام عليكم ورحمة الله وبركاته


أقول بنات.. الله خلق الناس بمستويات
احنا الحمد لله بخير ونعمة

المشكلة لو عايشين في بيت اروحنا كانت الأمور بتكون أحسن من كي
بس احنا عايشين في بيت أهلي!!! أيوا أهلي مب أهله

المهم
وما أحد يفكر يآخذ راشن البيت، وأنا الصراحة أبغي أهني ريلي بالأكلات
يعني هو يغيب عن البيت شهر، ويجي اسبوعين، يعني لازم أنغنغه شوي

المشكلة، إذا عملت حاجة، لازم أعمل لكل البيت
وأنا ماني حاسدة أو ما أبغي أهني اهلي أو أطبخ لهم
بس يعني ما أقدر أعطي الأولويات حقها
زوجي... بنتي
وأنا ما إني بخيلة
لا والله... يعني احنا ع شهرين مفكرين نآخذ بيت بإذن الله
ونبغي نوفر... ومعاشي على معاشه نمشي أمورنا ولله الحمد

أقول لكم كم شخص احنا في البيت




12 شخص!!! (ما شاء الله لا قوة إلا بالله تبارك الرحمن)


مرات أفكر أعمل عشا رومانسي... بس من وين يا حسرة
المهم
مرة لما رديت البيت من الدوام وأنا نفسي أطبخ لقيت مافي شي
مافي طحين، ولا دجاج، ولا لحم ولا سمك ولاشي!!!!!!!



مب بخل والله العظيم

والله ما يقصرون... ويدفعون مساهمة شهرية في البيت
ولكن التواكل... كل واحد يقول فلان بيسير يشتري
لين ما يفضى البيت
واضطريت أسير أشتري راشن البيت لمدة أسبوعين اللي كلفني أكثر من 50 (ريال عماني)
<<< على ميزانيتنا وايد الصراحة

المهم... طبخت وتفننت وبغيت أنزله بس ما صار <<<<<<< يا ربي قصتج طويلة، خلصينا

انزين.... انزين... لا تاكلون ويهي
أنا أحينة بالدوام، ومتحمسة أعمل حاجة لما أرجع
بقول لكم شو فيه في البيت، وانتو شوروا علي بطبخة



طحين - بيض - تونة - خضروات <<< مفكرة أعمل فطيرة بيض بالتونة، تشجعوني؟


موز - تفاح - مانجو - فاكهة متوحشة - حليب - سكر <<< عصير كوكتيل، شو رايكن؟


أفوجادو - ملح - لبن - ليمون - فلفل أسود - فلفل حار - ثوم <<< ناوية على صلصة أفوجادو حاررررة، ينفع؟


معكرونة <<< بس للأسف مافي دجاج ولا لحم، كيف أسويه؟؟


يللا عاد لا تتبخلون علي؟

تحياتي
بقـ إنسان ـايا
28-04-1429 هـ, 02:33 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يهنيكم ويفتح عليكم قريب

ماشاء الله افكارك دامك مجرباها وحاطاها في بالك كويسة وحلوة

اديكي فكرة للمكرونة

سوي مكرونة بالصلصة البيضا
موبشاميل
صلصة

المقادير:

2 م زبدة او سمن او زيت او خليط
2 م ك دقيق
2 كاس حليب
بيضة
جبن شيدر او كاسات او موزيرلا (اختياري)
ملح
فلفل
اوريجانو

الطريقة

حضريها مثل البشاميل تمام

حطي الزيت على النار شوية وعليه الدقيق
قلبي ليتحمص الدقيق عندك ويمسك شوي
اضيفي الحليب وقلبي بسرعة عشان ما يتكلكع معاكي

استني شوية بعدين حطي البيض والبهارات

استني شوية مع التقليب لغاية ما يستوي البيض

اخر شي لما تحسي انو الصلصة استوت حطي الجبن اذا تبغي

واسلقي مكرونتك عادي وحطي عليها من الصلصة وهي حارة

وبالعافية عليكم
28-04-1429 هـ, 02:55 مساءً
 
التونة سويها بالمكرونة
اسلقي المكرونة وسوي التونة مع جزر او اي خضار واذا معها بشاميل عاد انتي تفنني
الفطيرة ممكن تسوينها بالبيض وضيفي عليها جبن اما شيدر ولا موزيرلا وبقدونس اذا فية استغني عن التونة
العصير حلووو بس لو تسوينة موز بالحليب والعسل اعتقد كفاية مب لازم تفاح ومنقى << احسة بيخرب الطعم
وبالعافية
28-04-1429 هـ, 03:00 مساءً
 


توك توك
الله يخلييييييييييييج تسلمين حبيبتي على الفكرة الجميلة

أختي كتموتو
ريلي يحب البيض بالتونة
ويعشق العصير الكوكتيل... لأني أضيف قطع الفواكه الصغيرة فيها
ويتلذذ بالقضم

بس فكرة المعكرونة بالتونة تجنن حبيبتي
تسلمين
28-04-1429 هـ, 03:11 مساءً
 


الساعة الآن 11:00 .