ياهلاااااااااااا اخت رويده (ماادرى احس ماما كبيره عليك )

كيفك وايش اخبارك والله انى انبسطت لما شفت اسمك لانى استغربت عدم وجودك فى الاسره والطفل

المهم عسى المانع خير

بالنسبه لاطباقك حلوة بس بالنسبه للحلو اقترح عليك ( سلطة فواكه ) خصوصا بعد وجبة عشاء دسمه صعبه ناكل شى مقطر

وبس مع اطيب تمنياتى
12-08-1424 هـ, 08:41 مساءً
 
أفكارك حلوة كتير و مناسبة

و ان شاء الله تطلع عزيمة أحلى ما يكون
و لا تنسي تطمنينا شو صار

و ياريت تفيدينا بخبرتك في تزيين الأطباق ما دامت هواية عندك

و أهلا و سهلا بك
13-08-1424 هـ, 04:30 صباحاً
 
الله يقويك ماما رويده وأجد فكرة سلطة الفواكه ممتازه بدل الفواكه بعد الأكل مع الاحتفاظ بالحلو اللي اخترتيه مع القهوه كمسك الختام, عن نفسي هذا ما اعمله دائما،اشعر انو العزيمه الناجحه تبقى ناقصه بدون الحلو.(لااعرف ما هي ليالي لبنان اذا ما في سئله ممكن تمرري لي الوصفه لما تفضي شوي؟)
بالنسبه للمقبلات اعتقد انها جيده كما ذكرتيها ولكن لو كنت مكانك واحببت اضافة شيئ كنت عملت شي نوع فته متل فتة المكدوس متلا ولو انه الوضع كما هو عليه ممتاز ،الله ييسرلك وبالتوفيق ان شاء الله. :24:
13-08-1424 هـ, 10:45 صباحاً
 
الاخوات الكريمات ...اسعد الله اوقاتكم ..

الاخت فاتحة ..شعور جميل منك ..يا ريت كنتِ قريبة وساعدتيني ..لاني انهلكت كله شغلي لحالي

الاولاد ساعدوني .. والحمدلله

الاخت ام خالد ..مشكورة على استفقادك لي .. وانا موجود معكم كعضوة فلقد تنحيت عن الاشراف

برغبتي والادارة وافقت مشكورة لظروفي .. وبالنسبة للاسم اخترت ماما لاني كنت بقسم الاسرة والطفل

وكنت بحب قسم الطفل كثير ..ومش كبير عليّ ...انا عمري 33 سنة وكم شهر

حياكِ الله .

الفتاة الشامية ..اشكرك على متابعتك ومواصلتك ..وان شاء الله هالحين بحكيلكم كيف كانت ..

وبالنسبة للتزيين .. الاخت ام علاء ما شاء الله عليها ما قصرت بس راح احكيلكم عن اللي عملته انا ..

الاخت belle ...حياك الله عزيزتي

بالنسبة لليالي لبنان من عيوني بس مش هالحين برجع بعطيكِ اياها .. لانه يا دوب ارد عليكم اليوم ..

والان نيجي للعزيمة ..

كانت حسب رأي المدعوين ..سفرة عظيمة

عملت ..تبولة ..سلطة ملفوف احمر مع مايونيز .. ملفوف ابيض مع جزر ..

حمص بطحينة ..متبل باذنجان .. سمبوسك بالجبنة ..وبالبطاطا ..سبرنغ رول وحشوته كانت

جزر ملفوف ابيض بصل فلفل اخضر حلو صويا صوص ..
تم تقليبهم على النار لخمس دقائق وحشيتهم ..

المشاوي كانت ..لحمة راس عصفور ..لحمة ريش اظن بيحكولها ..كستلاتة .. كباب

ودجاج متبل بتتبيلة حارة ..( كاتشاب - لبن - زيت زيتون - بصل - ثوم - شطة - ملح )

وعصائر باردة ..

طريقة تقديم هذه الاشياء ..

اكثر شئ كان مميز بالتقديم هو السمبوسك والسبرنغ رول

جبت حبة بندورة كبيرة ..نكاشات اسنان ( الاعواد الخشبية ) خيار جزر مقطعة بحجم حبة البندق الكبيرة

جبنة بيضاء زيتون اسود .. حبة بندورة صغيرة الخاصة بالشوي او السلطات

شكيتهم بالنكاشات وغرزتهم بحبة البندورة الكبيرة .. وعلشان تقعد حبة البندورة بشكل جيد

على الجاط لازم تقطعي منها حتى يكون شكلها مسطح مستوي ..ان شاء الله واضح الكلام ..

بترتبيهم حبة البندورة الصغيرة بالوسط وحوليها باقي الاشياء وبعدين تضعي بينهم عروق بقدونس صغيرة ..

ولكِ ان تتخيلي روعة المنظر ..

حطيتها بجاط مدور بالوسط وحوليها السمبوسك والسبرنغ رول وكان منظرها جميل جدا

خيااااال كثير حلو ..

التبولة ..زينتها بورد من قشر البدورة ... بتقشري حبة بندورة متوسطة قشرة متوسطة السمك ..وبتلفيها

راح يكون شكلها كوردة الجوري الجميلة ..عملت تنتين منها وحطيتهم على جاط التبولة وعلى داير

الجاط اوراق خس صغيرة ..

بالنسبة للمشاوي ..الشوي كان على اسياخ خشب اخترت الخشب علشان احطهم بالاسياخ

وكانت طريقتي .. شكيت لحمة وبندورة و3 لحمة وبعدين بصل وبعدين لحمة ..وكان كل الاسياخ بنفس الترتيب

الحمص والمتبل ..كانت زينتهم بنوعية الاطباق اللي حطيتهم فيهم .. اخترت الوان مناسبة كانت جميلة معهم .

هذا بالنسبة لطريقة التقديم ..

اما بعد العشاء ..ما عملت ولا اي نوع حلو .. لاني تعبت جدا ويااااادوب لحقت اخلص كل هالاشياء

بس قدمت فواكه كما هي بجاط فواكه حلو

وبالاخر قهوة عربية .

وقدمت لهم هدايا تعبر عن مدينة القدس ..منظر عام لمدينة القدس مصنوعة من الخزف

وعلاقة مفاتيح نحاسية وعليها كمان منظر لمدينة القدس وجملين حاملين السلسلة اللي راح تتعلق فيها .

وكانت حقيقة عزيمة رااااائعة ..ومنظرها جميل جدا ..ما بخبي عليكم صورتها على الفيديو وكانت ممممممم

المنظر ولا اروع من هيك .. إذا بتشرفوني بزيارة راح اعملكم عزيمة احلى واحلى واحلىىىى

مشكورين جدا لمتابعتكم وتواصلكم ..حياكم الله
14-08-1424 هـ, 11:35 صباحاً
 
الاخت العزيزة belle تحية لكِ ولقد عدت لاعطيك الطريقة

ليالي لبنان

المقادير
لتر حليب - كوب سميد - مستكة عربية حوالي 10 حبات - فستق ني حمصيه انتِ -

كوبان كريمة مخفوقة بيضاء - علبة قشطة اختياري - قطر جامد .

اخلطي الحليب مع السميد وحركيه جيدا حتى يغلي ويجمد انزليه عن النار واضيفي المستكة المطحونة

صبي الخليط في جاط التقديم ويفضل بايركس ويجب ان يكون سمكه 1,5 سم يعني ما يكون سميك

اخلطي الكريمة المخفوقة مع القشطة وغطي بها الخليط السابق عندما يبرد وزينيه بالفستق المحمص المجروش

وطريقة تحميصه على النار بقلاية جافة حتى يصبح لونه مائل الى البني .

ويوضع في الثلاجة حتى يبرد وعند التقديم يقطع ويوضع عليه القطر الجامد والف صحة وعافية ..

انا هذه الوصفة بعملها لما بدي اعمل شئ مميز ولذيذ على فكرة طبق ..

طعمه لذيذ وشكله حلو جدا وصحتين وعافية ..
15-08-1424 هـ, 09:36 صباحاً
 


الساعة الآن 04:12 .