مره في قديم الزمان بس ترى عاد مو زمان مره يمكن قبل شهر او شهرين الله اعلم اخذت طريقة من المنتدى بس للاسف مااتذكر لمين لانه الذاكره عندي ميح المهم وكل يوم يمر وانا اقول ابي اسويها ولا اسويها جيت عاد قلت ابي اسويها اليوم عشان ينبسط اذا شافها ودخلت المطبخ وبديت اسويها طبعا اكيد تقولون وشي هي كيكة الشوكولاته بالجبن طبعا خلطة مقادير الكيكه ومن يوم بديت اخلط وانا احسها مو زي اي خلطة كيك وقلت يمكن هي كذا غير لانها صارت زي العجين وحطيت جزء منها وبعدين حطيت خلطة الجبن وبعدين حطيت الباقي من خلطة الكيك ودخلتها الفرن بس للاسف ماضبطت معاي مادري وشلون صارت


عشان كذا قلت اسئلكم ياليت صاحبة الكيكه او اي وحده سوتها وضبطت معها تدخل وتعلمني الله يخليكم والله والله لادعي للي ترد علي برد حلو
28-04-1429 هـ, 11:36 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
انا مثلك ضبطت معاي الحمدلله

لكن كميه حشوة الجبن كانت قليله

عشان كذا خربت وطلع نصفها جبن ونصفها لا

بس للامانه طعمها حلو مررره
28-04-1429 هـ, 11:38 مساءً
 
اقتباس مشاركة  (راعـيـة الـبـل)
انا مثلك ضبطت معاي الحمدلله

لكن كميه حشوة الجبن كانت قليله

عشان كذا خربت وطلع نصفها جبن ونصفها لا

بس للامانه طعمها حلو مررره
انا ماضبطت معي انتي اول ماحطتيها في الصينيه كانت مثل العجين تقريبا بس على الين
28-04-1429 هـ, 11:59 مساءً
 
أنا مره سويتها طلعت رووووعه
صحيح اني اول ماسويتها احس فيها شئ خطا مدري وشو
بعدين قلت يالله بس خليني اكملها
وبعد ما طلعتها وقطعتها طلعت روووعه طعما وشكلا لاباس به
29-04-1429 هـ, 12:13 صباحاً
 
حضك حلو امس قريتها في المنتدى وراح تلقينها لو دوتي في الصفحات اللي راحت
وهذا ذي المقادير بس ياليت تدعين لي ان الله يحقق اللي في بالي0

اكيد اعجبتكم باعطيكم المقادير على طول:
مقادير الكيكه :
مكتوب عندي 2اصبع زبده (حطيت ثلاثة ارباع الكاس زيت)
كوب سكر وتراها موكثير لان بودرة الشوكولاته اللي بتحطينها كثيره وبتخلى الكيكه مره شوي اذا ماحطيتي كوب كامل يعني كوب موكثير يصير حلاها متوسط وحلو
3او اربع بيضات
7ملاعق شوكولاته بودره
كوب طحين
ملعقه صغيره باكنج بودر
مقادير حشوة الجبن:
بيضه
كوب جبنه كريميه(جبنة فيلادلفيا)
واللي ماعندها ممكن تستخدم بديل عنه جبن كيري حطي 6حبات
4ملاعق كبيره دقيق
3ملاعق كبيره سكر
طريقة التحضير:
اخلطي مقادير الكيكه مع بعض مثل اي كيكه
في الخلاط اخلطي مقادير حشوة الجبن حتى تتجانس
ادهني صينية الفرن بالزيت
ضعي نصف كمية خليط الكيك ثم ضعي خليط الجبنه ثم بقية خليط الكيك
دخليها الفرن من تحت ومن فوق
وخلي النار من فوق هاديه علشان ماتحترق الكيكه وبالعافيه عليكم الكيكه
ولاتنسوني اذا سويتوها واعجبتكم ادعولي
اختكم تفاحة2008
29-04-1429 هـ, 12:14 صباحاً
 


الساعة الآن 12:07 .