هاي يااحلى بنات في احلى عالم
تكفون لاتردون طلبي هو طلب صغير وبسيط بس بالنسبة لي كبير وشايله همه
ببساطة وبكل صراحة (مااعرف اسوي قهوة)
يعني كل ماسويتها ماتضبط معي مره تصير مالها طعم ومره مالها لون ومرة تصير خفيفة ....
وانا ماحبيت اقول لامي اني مااعرف (افى عليكم سنعه)ومن وراها مدري وين الله حاطني..
فقلت اكيد اكيد اكيد اخواتي بيساعدوني ...
هاه بتساعدوني وللا اصيح
الله الله بالقهوة المحبوكة على مايقولون ..
ومشكورييييييييييييين جميعا
29-04-1429 هـ, 03:17 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شوفي هالرابط وان شاء الله راح يفيدك
http://forum.hawaaworld.com/showthread.php?t=1206296
29-04-1429 هـ, 03:40 صباحاً
 
شوفي ضعي فنجان قهوة في لتر ماء مغلي وخليه يغلي لمدة عشر دقائق

بعدين ضعي ربع فنجان صغير حليب أيا كان نوعه
ثم غليه وحده ثم سكري النار خليها تركد

الترمس مال القهوة ضعي فيه ملعقه صغيره هيل وقليل من الزعفران المطحون

ضعي الصفايه على الترمس وصبي القهوة في الترمس

هااااااااه لما تضبط تقهوينا

لاتنسيييييييييييين
29-04-1429 هـ, 03:41 صباحاً
 
شوفي جربي طريقتي وبتعجبك ان شاء الله لان الكثير يمدحونها حطي في ابريق القهوه الصغير

ثلاث ارباعه ماء مغلي + فنجال صغير قهوه + كم حبة مسمار + شوي زعفران وخليها تطبخ على نار

هاديه ربع او ثلث ساعه بعدين اضيفي لها شوي حليب بوني او ملعقه صغيره كوفي مايت واذا ماتوفر

حطي ملعقة حليب جاف مع شوية ماء في فنجال واخلطيها واضيفيها للقهوه وخليها تطبخ خمس دقايق

بعدين حطي الهيل ملعقه صغيره مليانه وارفعيها عن النار وصفيها في ترمس القهوه والهيل ممكن تحطين

نصف الكميه مع القهوة وهي تطبخ ونصفها في الترمس

وفيه خلطة القصيم للقهوه رهيييبه تعطيها لون ونكهه حلوه تتواجد احيانا في السوبر ماركت اخذتها من العثيم

تضيفين للقهوه نصف ملعقه هيل ونصف ملعقه من الخلطه هذي تطلع بعد روووعه

ملاحظه اللي يحلي القهوه ويضبطها انها تطبخ صح يعني من ربع ساعه وفوق تطلع تمام

لان اذا ماطبخت تطلع مويه ومافيها طعم

ان شاء الله افدتك
29-04-1429 هـ, 04:42 صباحاً
 
مشكوررييييين وكل يوم بجرب طريقه واللي تضبط معي بس هي اللي بدعيلها ههههه
امزح يالغاليات كلكم بدعيلكم الله يوفقكم دنيا واخره ولا يحرمني منكم صدق حليتو هالازمه

ودمتم بود
29-04-1429 هـ, 07:56 مساءً
 


الساعة الآن 05:05 .