اهليييييييييييييييييين بنااااات
انا عندي مشكله ومسببلي ازمه انا مااحب الرز الحمدلله على النعمه ولاعمري سويتها عند اهلي وتزوجت وطلع زوجي يموت فيها
لي اربع سنوات وماعرفت اضبطها مع اني زوجي يقول اني صرت احسن من قبل
وكان تصيرمشاكل اول عشان هذا الشئ مع اني قلتله قبل مانتزوج عن هذا الشئ
المهم....
صار الحين يرحم محاولتي ويقول انها تعجبه بعد ماتفاهمنا ان سبب عدم ضبطي لها هو اني مااحب الرز وبالتالي مااعرف كيف طعم الرز المضبوط.........
وابغى اضبطه عشان خاطره بليز ساعدوني
على فكره انا طباخه في الامور الثانيه وحتى زوجي يقول ان طبخي احسن من اهله
01-05-1429 هـ, 01:27 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يااااقلبي الله يعينك .. عااد الكبسه شئ اساسي عند الرجال

عموما راح اترك المجال للطباخات والفنانات بالقسم ...

وان شاء الله يكتبون لك طريقه كبسه الدجاج المضغوط .. والمشوي

وكبسه اللحم ...

وموووووووفقه يا عسسسسسسسسسل

’’

’’
01-05-1429 هـ, 02:23 مساءً
 
اسهل طريقه ،،

كشني للـ الدجاج او اللحم مع بهارات عدله قرنفل غار هيل وكمون ..

واذا تبين احمر حطي طماط وصلصه حمرا ،، واذا اصفر حطي كركم او منقوع زعفران ،،

وبس يخلص اللحم او الدجاج صفي المويه زين مازين ،،

وقيسي الملح ،،

بهالوقت تكونين مغسله الرز كوووويس (واحسن نوع جربته بوابة الهند) ،،

مغسلته لحد ماتصفى مووويته ومخليته ينقع بماي فاتر ،، لاهو حار ولا بارد مره ،،

والحين حطي الرز على موية السلق اللي وزنتي ملحها ،،

واطبخي باصغر قدر عندك اطعمم له واحسن للسوا ،،

وخليه يفور فورتين وعقبها قصري عليه وحطي الفلفل العدل ولفيه بقصدير وغطيه وخليه يطبخ 20 دقيقه على نار واااطيه

وبهالوقت تحمرين الدجاج او اللحم بالفرن ،،

بعدين شيلي القصدير وحطي شوي زبده عالوجه وسكري عالنار وخليه ،،

افضل شي للرز تطفين عليه قبل تنكبينه بـ 10 دقايق عالاقل ،،

ونكبيه ،،

طبعا الكشنه او الوجه حطي اللي تحبين ،،

انا اكشن جوانح بصل بشوي زبده ،، واضيف عليهم منقوع الزعفران بماي الورد

وبعد مايذبل البصل احطه عالرز بالقدر قبل انكبه وقبل اطفي النار عشان ياخذ من الطعم ،،

وقبل انكبه ارفعه عن الرز واغرف الرز بالصحن وارجع ارتب الكشنه

ملاحظه (لبهارات المجموعه المطحونه تخرررب طعم الرز بالنسبه لي ومن تجربتي بعدي عنهم) ،،

وخليك عالبهارات العدله مع الكشنه ،،
01-05-1429 هـ, 02:31 مساءً
 
سلام ياعسل
اهم شي اهم شيئ اضبطي الاساس
يعني لما تسوي حمسه البصل خليه يشقر وبعدين حطي الطماطم تكون مره مستويه ومويتها كثيره وحركيه حتى تحسي الطماطم ذبلت وحطي الدجاي واقعدي قلبيه فيه واهم شي غطيه بالغطا وخليه على نار هاديه مره حتى تنزل عصارة الدجاج وتقل المرقه وبعدها حطي المويه عادي وكمليه انا الاحظ هذي سر الكبسه الناجحه انك قبل ماتضيفين المويه غطيه اللحمه او الدجاج وخليه المويه حقتها تنزل
وبس حبيبيتي
وترا البهارات ليها دور خاصه لو حطيتي البهارات الصحيحه الكامله وقت حمسه البصل
واي سوال انا في الخدمه
01-05-1429 هـ, 02:34 مساءً
 
اقتباس مشاركة  (فريندز)
اهليييييييييييييييييين بنااااات
انا عندي مشكله ومسببلي ازمه انا مااحب الرز الحمدلله على النعمه ولاعمري سويتها عند اهلي وتزوجت وطلع زوجي يموت فيها
لي اربع سنوات وماعرفت اضبطها مع اني زوجي يقول اني صرت احسن من قبل
وكان تصيرمشاكل اول عشان هذا الشئ مع اني قلتله قبل مانتزوج عن هذا الشئ
المهم....
صار الحين يرحم محاولتي ويقول انها تعجبه بعد ماتفاهمنا ان سبب عدم ضبطي لها هو اني مااحب الرز وبالتالي مااعرف كيف طعم الرز المضبوط.........
وابغى اضبطه عشان خاطره بليز ساعدوني
على فكره انا طباخه في الامور الثانيه وحتى زوجي يقول ان طبخي احسن من اهله
سبحان الله كأنك تتكلمين عني
01-05-1429 هـ, 02:34 مساءً
 


الساعة الآن 06:23 .