إستفسار عن المقابلة الششخصية للمعيدات

وانا كمان ابي

أشتري كتاب مهارات إتصال و فيه من موضوعاته عن المقابله الشخصيه.
أنا عندي كتاب مهارات فيه موضوع عن المقابله.

و بالتوفيق.

أول ما تدخلي صافحي اللجنة اللي راح تسألك..
ممكن يسألوكي عن خبرتك..و كيف ممكن تتعاملي مع الطالبات اذا أزعجوكي وقت المحاضرة...
ممكن يسألوكي ايش تحبي تقرأئي.. و بحسب رأيك يسألوكي..مثلاً اذا قلتي كتب دينية..راح يسألوكي لمين تقرئي و ايش آخر الأعداد حقت الكتاب و الفصول..
اذا قلتي تقرئي الجرائد راح يسألوكي ايش القسم اللي يشدك..مثلاً الأخبار الاقتصادية..يقومو يسألوكي عن شي في الاقتصاد..
ممكن يسألوكي كيف تقضي وقت فراغك...
ممكن يستفسرو عن رأيك في مواضيع معينة عصرية- مثلاً العنف الأسري..
ممكن يسألوكي عن أقسام الجامعة اللي تبغي تشتغلي فيها و متى تأسست..
ممكن يسألوكي ايش ممكن تضيفي للجامعة اذا وظفوكي..
ممكن يسألوكي..اذكري سبب يخلينا نختارك بين المرشحات للوظيفة دي..

بالتوفيق:27:

شوفي حبيبتي انا حضرت مقابله شخصيه قبل 3 اشهر
قالولي اتحدثي عن نفسك شويه؟
وقالولي ليش اردت انك تصبحي معيدة؟
وليش ماحاولتي تطوري من نفسك من خلال دورات حاسب وانجليزي ؟طبعا انا رايحتلهم فريييييش من غير اي شي لاني كنت مالي غير شهرين متخرجه
وكمان خلي بالك هما في المقابله الشخصيه يحاولوا يستفزوكي ويخرجوكي من طورك زي مثلا قالتلي انتي مفكره انو دراستك تأهلك انك تصبحي معيده؟ وكمان قالتلي انتي تعتقدي انو بشهادتك هذه اللي اخذتيها تعتقدي انك تقدري تحققي بيها شيء؟طبعا انا عارفه انو هاذي كلها سياسة المقابله واساليب استفزازية الغرض منها يبغو يشوفوكي هل انتي عندك القدرة عالتحمل والصبر وردة الفعل الصائبه ام لا ؟فحاولي عزيزتي انك تروحي عالمقابله وانتي شاربتلك كاس ليمون بااارد ورووقي ولا تحاولي تتنرفزي وردي بكل سياسه وعقلانيه حتى تدهشيهم بردك مقابل سوء اسلوبهم....
ودعائي لك بالتوفيق يارب
و****لله يكون افدتك نوعا ما

سبحان الله وبحمده