Analysis Services
  • «
  • <
  • 1
  • 2
  • »
اختي الغالية المسافرة،،،
تسلمين وايد على الرد وماشاء الله عليج ينشاف عليج انج فنانة في هاي السوالف لانه بالفعل يوم سألت كل حد دلاني على نفس الاماكن اللي ذكرتيها ويوم اتصلت وسألت عطوني نفس الاسعار بالضبط،،،

مشكورة وايد حبيبتي بس بما انج طباخة ها الشهر معناه انج خبيرة ما شاء الله عليج في الطبخ،،، وانا موتي حياتي اتعلم الطبخ لاني توني معرسه من كم شهر وما اعرف اسوي شي وخاطري ريلي يستانس عليه،،، اسمحيلي بحطج في قايمة الاصدقاء المفضلين عشان ألجألج اذا احتجتج في هاي الامور،،، وانتي كيفج عاد،،، ما احد قالج تطلعين طباخة الشهر،،، تحملي ازعاجنا شوية،،،

وتسلمين وااااااااااااايد :24:
16-08-1424 هـ, 09:06 صباحاً
 
هلا وغلا أختي لينا.. ألف شكر لج على الكلام الحلو..

بالنسبة للشيل شوفي ترى قولي لأختج اذا شافتهم خل تدقق بالخياطة لأنها ماعيبتني بصراحة وأقصد اللي عند ايفن بلاك..

ههههههههههه ضحكتيني بسالفة الطبخ.. أنا تراني الحمدلله أسوي أشياء متنوعة لاكن عاد مب تووووووووب.ز لاكن ولا يهمج أي شي تبينه أنا والخوات مابنقصر وكله ولا يمون البعل متضايج.. تراهم همونا ولولاهم ماتعلمنا ههههههههههه

يالله أختي أي شيس تبينه من عيوني.. وخبريني بعدين شو خذت أختج..
16-08-1424 هـ, 12:20 مساءً
 
السلام عليكم،،،

الغالية المسافرة،،،

تعرفين انه اختي وايد تددق في الخياطة على الاطراف،،،، حتى امس يتنا وحدة في الدوام تبيع شيل الماركات بس تقليد وهن كانن في بوكسات محترمة وراقية والشيل نفسهن غاوية وكانت تبيع الوحدة على 500 مع انهن تقليد،،، جان اتصل في اختي ومدحتلها الشيل وقلتلها جان تبى تشتري من عند الحرمة،،، اول سؤال سألتني اياه هو شو الخياطة على الطرف،،، انا طبعا ما عرفت خصوصا اني مب من النوع اللي يلبس ها الامور بحكم التزامي،،، قتلها بالاييد بس ما ادري اذا جيه المفروض تنخاط،،، ويوم شرحتلها زيادة قالتلي لا،،،

المهم انا خبرتها وهيه بتسير تتطالع،، وعن خياطة إيف ان بلاك بعد بخبرها وبنشوف،،، بس الصراحة غاليات وما يستاهلن ها كله،،، يعني الشيلة شفافه إمرة وما تذري شي،،، الله يستر علينا دنيا وآخرة ويهدي خواتنا المسلمات آآآآآآآآآمين


مشكورة الغالية وتسلمين
18-08-1424 هـ, 08:16 صباحاً
 
أنا لو شفتي بوالعيال والتعليقات اللي قالي اياها بتموتين من الضحك.. وقالي اذا لبستيها مابمشي وياج.. وبصراحة كأنه يايبين طاقة ومقطعينها من زود الألوان اللي عندهم.. وأحس الأسود أحلى باللبس ومحترمه أكثر.. بس الناس أذواق.. وكلن ومزاجه..

يالله طولت عليج وتحياتي لج ولأختج..
18-08-1424 هـ, 10:54 صباحاً
 


الساعة الآن 02:43 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏